Bomb Threat | హైద‌రాబాద్‌లో బాంబులు పేలుస్తాం.. పోలీసుల‌కు బెదిరింపు మెయిల్‌

22 November 2026 - 20:00
0 0
Bomb Threat | హైద‌రాబాద్‌లో బాంబులు పేలుస్తాం.. పోలీసుల‌కు బెదిరింపు మెయిల్‌
Hyderabad Police

Bomb Threat : హైద‌రాబాద్ నగరంలో పలుచోట్ల బాంబులు పేలుస్తామ‌ని పోలీసులకు బెదిరింపు మెయిల్ వ‌చ్చింది. దాంతో ఒక్క‌సారిగా కలకలం రేగింది. ముంబైలో 26/11 ఉగ్రదాడి తరహాలో దాడి జరుగుతుందని ఆ మెయిల్‌లో హెచ్చ‌రించారు. కాచిగూడ రైల్వేస్టేషన్‌ లక్ష్యంగా దాడులు చేస్తామని వార్నింగ్ ఇచ్చారు. హోటల్‌ టూరిస్ట్‌ ప్లాజా వద్ద కూడా బాంబు పేలుస్తామని ఆ మెయిల్‌లో హెచ్చ‌రిక చేశారు.

లతీఫ్‌ భట్‌ హత్యకు ప్రతీకారంగా దాడులు చేస్తామని మెయిల్‌లో బెదిరించారు. దాంతో హైదరాబాద్‌ నగర పోలీసులను స్పెషల్‌ బ్రాంచ్‌ పోలీసులు అప్రమత్తం చేశారు. లష్కరే తోయిబా పేరుతో మెయిల్‌ ఎక్కడి నుంచి వచ్చిందనే కోణంలో దర్యాప్తు చేస్తున్నారు. కాగా, ఇటీవ‌ల‌ జమ్ముక‌శ్మీర్‌లో లష్కరే తోయిబా టాప్‌ కమాండర్, మోస్ట్‌ వాంటెడ్‌ ఉగ్రవాది ల‌తీఫ్ భ‌ట్‌ను భ‌ద్ర‌తాబ‌ల‌గాలు హ‌త‌మార్చాయి.

Comments (0)

User