BJP MLA | ఏపీ కూటమీలో లుకలుకలు.. రాజీనామా ఆలోచనలో బీజేపీ ఎమ్మెల్యే

అమరావతి : కడప ( Kadapa ) జడ్పీ చైర్మన్ ఎన్నిక విషయంలో హామీ ఇచ్చి మాటమార్చినందుకు ఏపీ బీజేపీ ఎమ్మెల్యే ( BJP MLA ) ఆది నారాయణరెడ్డి( Adi Narayana Reddy ) అలకబూనారు. తన అన్న కుమారుడికి జడ్పీ చైర్మన్ ( ZP Chairman) పదవి ఇస్తామని హామీ ఇచ్చి చివరి నిమిషంలో మరొకరి పేరును ఖరారు చేయడం పట్ల ఆయన తీవ్ర మనస్తాపానికి గురయ్యారు.
నిర్ణయం మార్చుకోకపోతే తనతో పాటు తన జడ్పీటీసీలుగా గెలిచిన అన్న కుమారులు రాజేశ్రెడ్డి, గోవర్ధన్రెడ్డి రాజీనామాల ఉపసంహరణ నిర్ణయాన్ని మార్చుకోబోమని స్పష్టం చేశారు. ఏపీలో బీజేపీకి తగిన ప్రాధాన్యత ఇవ్వడం లేదని బీజేపీ ఎమ్మెల్యే ఆరోపించారు. మంత్రి లోకేష్తో చర్చలు జరిగినా ఆమోదయోగ్యం కాలేదని వాపోయారు.
ఢిల్లీ నుంచి వచ్చిన బీజేపీ ముఖ్య నాయకులకు ఏపీలో జరుగుతున్న పరిణామాలను వివరించానని వెల్లడించారు. తగిన నివేదికలతో ఢిల్లీకి రావాలని సూచించారని వివరించారు.ఢిల్లీలో స్పష్టత వచ్చే వరకు రాజీనామాలు వెనక్కి తీసుకోరని తెలిపారు. ఆ తరువాత పరిణామాల మేరకు తన నిర్ణయం ప్రకటిస్తానని అన్నారు.
Comments (0)