Abhishek Banerjee: బీజేపీ గూండాలు ఇంటిపై దాడి చేశారు.. వీడియో షేర్ చేసిన టీఎంసీ ఎంపీ అభిషేక్‌

కోల్‌క‌తా: త‌న నివాసంపై దాడి జ‌రిగిన‌ట్లు తృణ‌మూల్ కాంగ్రెస్ పార్టీ జ‌న‌ర‌ల్ సెక్ర‌ట‌రీ అభిషేక్ బెన‌ర్జీ(Abhishek Banerjee) ఆరోపించారు. శుక్ర‌వారం రాత్రి బీజేపీ కార్య‌క‌ర్త‌లు త‌న ఇంటిపై దాడి చేసిన‌ట్లు చెప్పారు. ఎక్స్‌లో ఆయ‌న ఓ పోస్టు చేశారు. కోల్‌క‌తా పోలీసుల స‌మ‌క్షంలోనే రాత్రి 2 గంట‌ల‌కు దాడి జ‌రిగిన‌ట్లు పేర్కొన్నారు. ఈ ఘ‌ట‌న ప‌ట్ల కోల్‌క‌తా హైకోర్టు, సుప్రీంకోర్టు స్పందించ‌క‌పోవ‌డం శోచ‌నీయ‌మ‌న్నారు. దాడి జ‌రిగిన‌ట్లు చెబుతున్న తృణ‌మూల్ నేత ఓ వీడియోను కూడా షేర్ చేశారు. రెండు రోజుల పాటు వ‌రుస‌గా బీజేపీ గూండాలు రెక్కీ నిర్వ‌హించార‌ని, దానికి సంబంధించిన వీడియోను చూడాలంటూ ఆయ‌న కోరారు. ఎన్నికైన పార్ల‌మెంట్ స‌భ్యుడికే ఇలా అయితే, ప‌శ్చిమ బెంగాల్‌లో సాధార‌ణ పౌరుడి ప‌రిస్థితి ఏంటి ఆయ‌న ప్ర‌శ్నించారు. గ‌డిచిన ఆరు నెలల్లో దాడి జ‌ర‌గ‌డం ఇది ఏడోసారి అన్నారు. పోలీసుల చ‌ర్య‌లు కానీ, న్యాయ స్థానాల జోక్యం కానీ లేద‌న్నారు. న్యాయ‌స్థానాలు కండ్లు మూసుకోవ‌డం వ‌ల్ల దోపిడీదారులు రాష్ట్రాన్ని నాశ‌నం చేస్తున్న‌ట్లు అభిషేక్ ఆరోపించారు. టీఎంసీ నేత ఆరోప‌ణ‌ల‌కు బీజేపీ కౌంట‌ర్ ఇచ్చింది. అస‌లు టీఎంసీ నేతను చంపేంత టైం ఎవ‌రికి ఉంద‌ని బీజేపీ లీడ‌ర్ దిలీప్ ఘోష్ అన్నారు. అభిషేక్ ప్ర‌జ‌ల్ని త‌ప్పుదోవ ప‌ట్టిన‌ట్లు ఆరోపించారు.

After I released the recce video this morning, my house was attacked just now, at 2 AM by BJP goons, right under the watch of the Kolkata police.

Thank you, Calcutta High Court and the Supreme Court of India for remaining mute spectators while all this unfolds.

I will upload the videos shortly.

— Abhishek Banerjee (@abhishekaitc) November 6, 2026