27 క్రీడలతో తెలంగాణలో ఖేలో ఇండియా యూత్‌ గేమ్స్‌

• డిసెంబర్‌ 11 నుంచి గేమ్స్‌
• హైదరాబాద్‌లో 22 రకాల ఆటల నిర్వహణ
• వేదికలుగా ఖమ్మం, హనుమకొండ, కరీంనగర్‌, నిజామాబాద్‌, మహబూబ్‌నగర్‌

న్యూఢిల్లీ: తెలంగాణ ఆతిథ్యం ఇచ్చే 8వ ఎడిషన్‌ ఖేలో ఇండియా యూత్‌ గేమ్స్‌ (కేవైయూజీ )లో మొత్తం 27 పోటీ క్రీడలు, ఒక ప్రదర్శన (డెమోన్‌స్ట్రేషన్‌) క్రీడ ఉంటుందని కేంద్ర క్రీడా శాఖ మంత్రి మన్సుఖ్‌ మాండవీయ ప్రకటించారు. సెయిలింగ్‌ను తొలిసారిగా ప్రదర్శన క్రీడగా చేర్చినట్లు వెల్లడించారు. డిసెంబర్‌ 11 నుంచి 12 రోజుల పాటు జరగనున్న మెగా ఈవెంట్‌లో మొత్తం 22 రకాల ఆటలకు హైదరాబాద్‌ వేదిక కానుంది.  దాంతో పాటు ఖమ్మంలో ఆర్చరీ, హనుమకొండలో అథ్లెటిక్స్‌, కరీంనగర్‌లో జూడో, నిజామాబాద్‌లో టేబుల్‌ టెన్నిస్‌, మహబూబ్‌నగర్‌లో కబడ్డీ పోటీలు జరుగుతాయని మాండవీయ సోమవారం ప్రకటించారు. ఈ గేమ్స్‌లో తొలిసారిగా సాఫ్ట్‌బాల్‌ను పోటీ క్రీడగా చేరగా, రగ్బీ స్థానంలో ఆతిథ్య తెలంగాణ ప్రభుత్వం రోయింగ్‌ను ఎంపిక చేసింది.

ఖేలో గేమ్స్‌ లో క్రీడలు: ఆర్చరీ, అథ్లెటిక్స్‌, బ్యాడ్మింటన్‌, బాస్కెట్‌బాల్‌, బాక్సింగ్‌, సైక్లింగ్‌, ఫెన్సింగ్‌, ఫుట్‌బాల్‌, గత్కా (మార్షల్‌ ఆర్ట్స్‌), జిమ్నాస్టిక్స్‌, హాకీ, జూడో, కబడ్డీ, కలరిపయట్టు, ఖో ఖో, మల్లాఖంబ్‌, రోయింగ్‌, షూటింగ్‌, స్విమ్మింగ్‌, సాఫ్ట్‌బాల్‌, టేబుల్‌ టెన్నిస్‌, టెన్నిస్‌, థాంగ్‌ తా (మార్షల్‌ ఆర్ట్స్‌), వాలీబాల్‌, వెయిట్‌లిఫ్టింగ్‌, రెజ్లింగ్‌, యోగాసన.