‘శాట్ అవినీతిపై సీఐడీ విచారణ జరిపించాలి’

హైదరాబాద్, ఆట ప్రతినిధి: తెలంగాణ క్రీడా ప్రాధికార సంస్థ (శాట్)లో భారీ స్థాయిలో అవినీతి, నిధుల దుర్వినియోగం జరుగుతోందని, దీనిపై సీఐడీ విచారణ జరిపించాలని స్పోర్ట్స్ స్టూడెంట్స్ ఫెడరేషన్ ప్రభుత్వాన్ని డిమాండ్ చేసింది. శుక్రవారం ఎల్బీ స్టేడియం వద్ద పెద్ద సంఖ్యలో క్రీడాకారులతో ధర్నా నిర్వహించింది. ఈ సందర్భంగా క్రీడాకారుల సంక్షేమ సంఘం అధ్యక్షుడు బాబూలాల్ మాట్లాడుతూ.. కోచ్ పోస్టుల భర్తీకి తక్షణమే నోటిఫికేషన్ ఇవ్వాలని, వందల నుంచి వేలకు పెంచిన కోచింగ్ ఫీజులను తగ్గించి ఉచిత శిక్షణ అందించాలని కోరారు.
అనంతరం శాట్ ఎండీ కార్యాలయం వద్ద ఆందోళన చేపట్టి డిప్యూటీ డైరెక్టర్ రవీందర్కు వినతిపత్రం అందజేశారు. శాట్ ఎండీ తక్షణమే పదవి నుంచి తప్పుకోవాలని, డిప్యుటేషన్పై పనిచేస్తున్న అర్హత లేని ఉద్యోగులను వెనక్కి పంపాలని నినాదాలు చేశారు. శాట్ అక్రమాలను ప్రశ్నించినందుకు సస్పెండ్ చేసిన హ్యాండ్బాల్ కోచ్ సత్యవాణిని తిరిగి విధుల్లోకి తీసుకోవాలని ఫెడరేషన్ ప్రతినిధులు రాజేష్, వినోద్ డిమాండ్ చేశారు.
Comments (0)