విద్యార్థులకు బాలల హక్కులు, వ్యక్తిగత భద్రతపై అవగాహన

చుంచుపల్లి, నవంబర్ 12 : జాతీయ న్యాయ సేవల దినోత్సవాన్ని పురస్కరించుకుని నిర్వహిస్తున్న న్యాయ సేవల వారోత్సవాల్లో భాగంగా గురువారం చుంచుపల్లి మండలం రామ్‌నగర్ మండల పరిషత్ ప్రాథమిక పాఠశాలలో విద్యార్థులకు అవగాహన కార్యక్రమం నిర్వహించారు. జిల్లా న్యాయ సేవాధికార సంస్థ కార్యదర్శి ఎం. రాజేందర్ ముఖ్య అతిథిగా పాల్గొని విద్యార్థులకు బాలల హక్కులు, వ్యక్తిగత భద్రతపై అవగాహన కల్పించారు. సురక్షిత బాల్యం అభియాన్‌లో భాగంగా గుడ్ టచ్‌–బ్యాడ్ టచ్, వ్యక్తిగత భద్రత, ఆపద సమయాల్లో తీసుకోవాల్సిన జాగ్రత్తలను వివరించారు. తమకు ఎదురయ్యే అసౌకర్యకరమైన పరిస్థితులను ధైర్యంగా తల్లిదండ్రులు, ఉపాధ్యాయుల దృష్టికి తీసుకురావాలని సూచించారు. అదేవిధంగా జిల్లా న్యాయ సేవాధికార సంస్థ ద్వారా అందించే ఉచిత న్యాయ సేవలు, బాలలకు కల్పించిన హక్కుల గురించి వివరించారు. ఈ కార్యక్రమంలో అసిస్టెంట్ లీగల్ ఎయిడ్ డిఫెన్స్ కౌన్సిల్స్ పావని, సాహితి, పారా లీగల్ వాలంటీర్ (PLV) జానకిరామ్, పాఠశాల ప్రధానోపాధ్యాయురాలు మాధవి సీత పాల్గొన్నారు.