మండల టాపర్ గా నిలిచిన విద్యార్థినికి నగదు పురస్కారం

20 November 2026 - 14:00
0 0
మండల టాపర్ గా నిలిచిన విద్యార్థినికి నగదు పురస్కారం
Tofer

కుభీర్, నవంబర్ 20 : నిర్మల్ జిల్లా కుబీర్ మండల కేంద్రంలోని జిల్లా పరిషత్ ఉన్నత పాఠశాలలో గతేడాది జరిగిన 10వ తరగతి పరీక్షల్లో 550 మార్కులు సాధించి మండల స్థాయిలో ప్రథమ స్థానం (టాపర్) గా నిలిచిన ఓరేడి రచితకు శ్రీరామ్ లైఫ్ ఇన్సూరెన్స్ తరపున రూ. 10వేల చెక్కును శుక్రవారం ప్రధానోపాధ్యాయులు సట్ల గంగాధర్, స్థానిక సర్పంచ్ కందూరి సాయినాథ్ తో కలిసి ఎస్ఆర్ఎల్ఐ ఏరియా మేనేజర్ కృష్ణ, శివకుమార్, ప్రతినిధులు అందజేశారు.

పాఠశాలలో ఏర్పాటు చేసిన కార్యక్రమంలో విద్యార్థిని రచితను శాలువాతో సత్కరించి అభినందించారు. ఈ సందర్భంగా వారు మాట్లాడుతూ విద్యార్థి రచితను ప్రతి ఒక్కరూ ఆదర్శంగా తీసుకొని చదువుల్లో రాణించాలని ఆకాంక్షించారు. ఈ కార్యక్రమంలో కుబీర్ గ్రామపంచాయతీ మార్కెట్ కమిటీ చైర్మన్ గోనే కళ్యాణ్, ఉపాధ్యాయులు, విద్యార్థులు పాల్గొన్నారు.

Comments (0)

User