బిల్లు పాస్‌కు 50 వేలు లంచం

• ఏసీబీకి పట్టుబడ్డ ఇన్‌చార్జి మున్సిపల్‌ కమిషనర్‌

నిర్మల్‌ అర్బన్‌, నవంబర్‌ 10 : కాంట్రాక్టర్‌కు బిల్లు పాస్‌ చేసేందుకు రూ.50 వేలు లంచం తీసుకుంటూ ఏసీబీ అధికారులకు చిక్కాడు నిర్మల్‌ జిల్లా భైంసా మున్సిపల్‌ ఇన్‌చార్జి కమిషనర్‌. భైంసా పట్టణంలో ఓ కాంట్రాక్టర్‌ సివిల్‌ వర్క్‌ పూర్తిచేశారు. అందుకు సంబంధించి రూ.2.63 లక్షల బిల్లు రావాల్సి ఉన్నది.

దాన్ని పాస్‌ చేసేందుకు మున్సిపల్‌ ఇన్‌చార్జి కమిషనర్‌ జాదవ్‌ సంతోష్‌ లంచం డిమాండ్‌ చేశాడు. సదరు కాంట్రాక్టర్‌ ఏసీబీ అధికారులను ఆశ్రయించారు. ఈ మేరకు మంగళవారం సదరు కాంట్రాక్టర్‌ నుంచి ఇన్‌చార్జి కమిషనర్‌ సంతోష్‌ రూ.50 వేలు లంచం తీసుకుంటుండగా ఏసీబీ డీఎస్పీ మధు ఆధ్వర్యంలో అధికారులు రెడ్‌హ్యాండెడ్‌గా పట్టుకున్నారు. రూ.50 వేల నగదు స్వాధీనం చేసుకున్న అధికారులు.. కమిషనర్‌ సంతోష్‌ను అదుపులోకి తీసుకున్నారు.