బస్సు ప్రయాణం ప్రాణసంకటమా?

- ఐదేండ్లలో 606 అగ్ని ప్రమాదాలు
- భద్రతా లోపాలు సరిదిద్దేదెన్నడు?
న్యూఢిల్లీ: దేశంలో బస్సు ప్రయాణం రోజురోజుకూ ప్రమాదకరంగా మారుతున్నదా? వరుస అగ్నిప్రమాదాలు ప్రయాణికుల్లో ఆందోళన కలిగిస్తున్నాయి. 2021 జనవరి నుంచి 2026 జూన్ వరకు దేశవ్యాప్తంగా మొత్తం 606 బస్సు అగ్ని ప్రమాదాలు నమోదయ్యాయి. ఈ ఘటనల్లో 303 మంది ప్రాణాలు కోల్పోగా, 991 మంది గాయపడ్డారు. ఒక్క 2026 తొలి ఆరు నెలల్లోనే 133 బస్సుల్లో అగ్ని ప్రమాదాలు చోటుచేసుకోవడం పరిస్థితి తీవ్రతకు అద్దం పడుతున్నది.
మహారాష్ట్రలో అత్యధికంగా 82, తమిళనాడు, యూపీలో 44 చొప్పున జరిగాయి. రాజస్థాన్ లో 55 మంది చనిపోయారు.ప్రైవేటు బస్సుల్లో జరిగిన 367 ప్రమాదాల్లో 276 మంది మరణించారు. ఇంజిన్, విద్యుత్తు వ్యవస్థల్లో లోపాలు, టైర్లు, బ్రేకుల వైఫల్యాలు ప్రమాదాలకు కారణం. స్లీపర్ బస్సుల్లో అత్యవసర ద్వారాలను తొలగించడం ప్రాణాలకు ముప్పుగా మారుతున్నది.
Comments (0)