పరిశ్రమలో అగ్నిప్రమాదం

• సుమారు రూ.7 కోట్ల ఆస్తినష్టం.. కార్మికులు సేఫ్‌

నందిగామ, నవంబర్‌ 12 : మండల కేంద్రంలోని ఏఎస్‌కే ప్లాస్టిక్‌ చైర్‌ తయారీ పరిశ్రమలో గురువారం ప్రమాదవశాత్తు అగ్నిప్రమాదం జరిగింది. ప్రాథమిక సమాచారం ప్రకారం ఫ్యాక్టరీలో ప్టాస్టిక్‌ ముడిసరుకు, రెడీమేడ్‌ ప్లాస్టిక్‌ సామగ్రి ఉండటంతో విద్యుదాఘాతంతో ప్లాస్టిక్‌కు నిప్పు అంటుకుని మంటలు వ్యాపించడంతో స్థానికులు భయాందోళనకు గురయ్యారు. సమాచారమందుకున్న అగ్నిమాపక సిబ్బంది ఘటనాస్థలికి చేరుకుని ఆరు గంటలపాటు శ్రమించి మంటలను అదుపులోకి తెచ్చారు.

ఈ ప్రమాదంలో సుమారు రూ.7 కోట్ల వరకు ఆస్తినష్టం జరిగినట్టు సమాచారం. పరిశ్రమలో ఉన్న కార్మికులకు ఎలాంటి ప్రాణనష్టం జరుగ లేదు. పాస్టిక్‌, ఇతర సామగ్రి అగ్నికి ఆహుతి అయింది. సీఐ వీరబాబ్‌గౌడ్‌ ఘటనాస్థలికి చేరుకుని పరిశీలించారు. పరిశ్రమ నిర్వాహకు లు ఇచ్చిన ఫిర్యాదు మేరకు కేసును దర్యాప్తు చేస్తున్నట్టు సీఐ చెప్పారు.