పన్నూన్పై హత్యాయత్నం కేసులో గుప్తా నేరాంగీకారం

న్యూయార్క్: సిక్కు ఉగ్రవాది గుర్పత్వంత్ సింగ్ పన్నూన్ను హత్య చేసేందుకు డబ్బులిచ్చి చేయించిన కుట్రలో తన ప్రమేయాన్ని భారత పౌరుడు నిఖిల్ గుప్తా అంగీకరించారు. అమెరికా జిల్లా న్యాయమూర్తి విక్టర్ మర్రెరోకు రాసిన లేఖలో, తన చర్యలపై పశ్చాత్తాపం వ్యక్తం చేశారు. తాను వ్యక్తిగతంగానే వ్యవహరించానని, ఎలాంటి శిక్షనైనా ఎదుర్కొనేందుకు సిద్ధంగా ఉన్నానని పేర్కొన్నాడు.
మంచి వ్యక్తిగా మారాలనే కోరికను వెల్లడించాడు. తన కోసం, కుటుంబం కోసం, సమాజం కోసం మరింత మంచి మనిషిగా ఉండాలని ఆశిస్తున్నట్టు తెలిపారు. ఈ కేసులో న్యూయార్క్ కోర్టు ఈ నెల 20న శిక్షను ప్రకటించనున్నది. గుప్తాను 2023 జూన్లో ప్రేగ్ లో అరెస్టు చేసి, అమెరికాకు అప్పగించారు. 2024 అక్టోబర్లో న్యూయార్క్కు తరలించారు. ఆయనకు శిక్ష ఖరారు సమయంలో కోర్టుకు హాజరై, క్లుప్తంగా మాట్లాడేందుకు పన్నూన్కు అనుమతి ఇవ్వాలని కోర్టును అమెరికా అటార్నీ కార్యాలయం కోరింది.
Comments (0)