నీట్‌ పేపర్‌ లీక్‌ కేసులో అభియోగాలు నమోదు

22 November 2026 - 02:00
0 0
నీట్‌ పేపర్‌ లీక్‌ కేసులో అభియోగాలు నమోదు
Neet
  • 14 మంది నిందితులు విచారణ ఎదుర్కోవాల్సిందే
  • 25 నుంచి ప్రత్యేక కోర్టులో రోజువారీ విచారణ

న్యూఢిల్లీ, నవంబర్‌ 21: నీట్‌-యూజీ2026 పేపర్‌ లీక్‌ కేసులో 14 మంది నిందితులు అందరిపై ఢిల్లీ ఫాస్ట్‌-ట్రాక్‌ కోర్టు శనివారం అధికారికంగా అభియోగాలను నమోదు చేసింది. నిందితులలో ఎన్‌టీఏ సబ్జెక్ట్‌ నిపుణులు కూడా ఉన్నారు. నిందితులు అందరూ శనివారం రౌస్‌ అవెన్యూ కోర్టులో ప్రత్యేక న్యాయమూర్తి అజయ్‌ గుప్తా ఎదుట హాజరయ్యారు. తాము నిర్దోషులమని, విచారణను ఎదుర్కొనడానికి తాము సిద్ధంగా ఉన్నామని వారు చెప్పారు. కుట్ర, మోసం, నమ్మకద్రోహం, అవినీతితో సహా పలు అభియోగాలను వారిపై కోర్టు నమోదు చేసింది. ఈనెల 25 నుంచి రోజువారీ విచారణ జరుగుతుంది.

కోర్టు ఉత్తర్వుల మేరకు

మొత్తం 14 మంది నిందితులపై అభియోగాలు నమోదు చేయాలని ఢిల్లీ కోర్టు ఈనెల 18న వెలువరించిన 206 పేజీల ఉత్తర్వులో ఆదేశించింది. నేరపూరిత కుట్ర, మోసం, నమ్మకద్రోహం, అవినీతి వంటి పలు నేరాలకు సంబంధించి నిందితులపై ప్రాథమికంగా తగిన సాక్ష్యాధారాలు ఉన్నాయని కోర్టు పేర్కొంది.

Comments (0)

User