ఏఈఈ పోస్టుల ప్రొవిజనల్‌ జాబితా విడుదల: టీజీపీఎస్సీ

22 November 2026 - 02:00
0 0
ఏఈఈ పోస్టుల ప్రొవిజనల్‌ జాబితా విడుదల: టీజీపీఎస్సీ
Ntlogo 1 300x169

హైదరాబాద్‌, నవంబర్‌21 (నమస్తే తెలంగాణ): తెలంగాణ కాలుష్య నియంత్రణ మండలి(టీపీసీబీ)లోని అసిస్టెంట్‌ ఎన్విరాన్‌మెంటల్‌ ఇంజినీర్‌(ఏఈఈ) పోస్టులకు సంబంధించి ఎంపికైన అభ్యర్థుల ప్రొవిజనల్‌ జాబితాను టీజీపీఎస్సీ విడుదల చేసింది. అభ్యర్థుల మారుల వివరాలను కమిషన్‌ అధికారిక వెబ్‌సైట్‌లో అందుబాటులో ఉన్నాయని శనివారం ఓ ప్రకటనలో తెలిపింది.

పీసీబీలో 19 ఏఈఈ పోస్టుల భర్తీకి జూన్‌2న నోటిఫికేషన్‌ను జారీ చేయగా, రాష్ట్రవ్యాప్తంగా 14,489మంది దరఖాస్తు చేసుకున్నారు. వారికి గతనెల 26న కంప్యూటర్‌ ఆధారిత రిక్రూట్‌మెంట్‌ పరీక్ష(సీబీఆర్టీ)ను నిర్వహించింది. అందులో ప్రస్తుతం 18పోస్టుల భర్తీకి ఎంపికైన అభ్యర్థుల జాబితాను టీజీపీఎస్సీ వెల్లడించింది. మరో 1 పోస్టు భర్తికి అభ్యర్థి పేరును తదుపరి ప్రకటిస్తామని తెలిపింది. పూర్తి వివరాలకు అభ్యర్థులు కమిషన్‌ వెబ్‌సైట్‌ https://www.tspsc.gov.inను సందర్శించాలని సూచించింది.

Comments (0)

User