నియోజకవర్గాల అభివృద్ధిపై వివక్ష ఎందుకు?

• దుబ్బాక నియోజకవర్గాన్ని కరువు ప్రాంతంగా ప్రకటించాలి
• రైతుల కోసం రాజీనామాకు సిద్ధం
• దుబ్బాక ఎమ్మెల్యే కొత్త ప్రభాకర్‌

రాయపోల్‌, నవంబర్‌ 11 : కాంగ్రెస్‌ సర్కార్‌ ప్రతిపక్ష ఎమ్మెల్యేల నియోజకవర్గాల అభివృద్ధిపై వివక్ష చూపుతున్నదని దుబ్బాక ఎమ్మెల్యే కొత్త ప్రభాకర్‌రెడ్డి ఆరోపించారు. సిద్దిపేట జిల్లా రాయపోల్‌ మండలం అనాజీపూర్‌లో బుధవారం రాష్ట్ర ఎస్సీ, ఎస్టీ కమిషన్‌ మాజీ చైర్మన్‌ బక్కి వెంకటయ్యతో కలిసి వడ్ల కొనుగోలు కేంద్రాన్ని ప్రారంభించారు.

ఈ సందర్భంగా కొత్త ప్రభాకర్‌రెడ్డి మాట్లాడుతూ.. కరువు మండలాల ప్రకటనలో ప్రభుత్వం రాజకీయం చేయడం తగదని అన్నారు. దుబ్బాక నియోజకవర్గాన్ని కరువు ప్రాం తంగా ప్రకటించాలని డిమాండ్‌ చేశారు. బీఆర్‌ఎస్‌ ఎమ్మెల్యేను అయినందునే నిధులు ఇవ్వడంలో వివక్ష చూపుతున్నారని మండిపడ్డారు. రైతులకోసం ఎమ్మెల్యే పదవికి రాజీనామా చేసేందుకు సిద్ధంగా ఉన్నట్టు ప్రకటించారు.