నల్లగొండ విద్యార్థికి జాతీయ బాల ప్రతిభా పురస్కారం

19 November 2026 - 20:00
0 0
నల్లగొండ విద్యార్థికి జాతీయ బాల ప్రతిభా పురస్కారం
నల్లగొండ విద్యార్థికి జాతీయ బాల ప్రతిభా పురస్కారం

– ‘రంగుల కలలు’ కథాసంపుటికి సాగర్ల శ్రీ వర్ధన్‌కు అరుదైన గౌరవం

రామగిరి, నవంబర్ 19 : నల్లగొండకు చెందిన విద్యార్థి సాగర్ల శ్రీ వర్ధన్‌కు 2026 సంవత్సరానికి కోడూరి లీలావతిదేవి స్మారక జాతీయ బాల ప్రతిభా పురస్కారం లభించింది. హైదరాబాద్‌కు చెందిన అక్షరయాన్ సంస్థ ఉభయ తెలుగు రాష్ట్రాల్లోని 10 మంది బాలలకు ప్రకటించిన ఈ పురస్కారాల్లో కథా రచన విభాగంలో శ్రీ వర్ధన్ ఎంపికయ్యాడు. నల్లగొండలోని ఏకలవ్య ఫౌండేషన్ స్కూల్‌లో 8వ తరగతి చదువుతున్న శ్రీ వర్ధన్ ఇటీవల ‘రంగుల కలలు’ పేరుతో కథా సంపుటిని రచించాడు. చిన్న వయసులోనే సాహిత్య రంగంలో ప్రతిభ కనబరిచి జాతీయ స్థాయి పురస్కారానికి ఎంపిక కావడం పట్ల పలువురు హర్షం వ్యక్తం చేశారు. ఈ సందర్భంగా సాహితీవేత్తలు మేరెడ్డి యాదగిరి రెడ్డి, డాక్టర్ తండు కృష్ణ కౌండిన్య, పెరుమాళ్ల ఆనంద్, శీలం భద్రయ్య, శీల అవిలేను తదితరులు శ్రీ వర్ధన్‌ను అభినందించి భవిష్యత్‌లో మరిన్ని విజయాలు సాధించాలని ఆకాంక్షించారు.

Comments (0)

User