స్వచ్ఛందంగానే అండాలు ఇచ్చారు: డాక్టర్‌ పద్మజ

20 November 2026 - 05:30
0 0
స్వచ్ఛందంగానే అండాలు ఇచ్చారు: డాక్టర్‌ పద్మజ
Andala

హైదరాబాద్‌, నవంబర్‌ 19 (నమస్తే తెలంగాణ): అక్రమ అండాల సేకరణ వ్యవహారంలో పోలీసులు పేరొంటున్న మహిళలు వాస్తవానికి బాధితులు కారని, ఆర్థిక ప్రయోజనాలను ఆశించి స్వచ్ఛందంగానే అండాలు ఇచ్చేందుకు ముందుకొచ్చారని డాక్టర్‌ పద్మజ హైకోర్టుకు నివేదించారు. ఈ వ్యవహారంలో పోలీసులు చట్టవిరుద్ధంగా కేసులు నమోదు చేశారని, తనపై మోపిన ఆరోపణలకు చట్టపరమైన ఆధారాలు లేవని వాదించారు. పద్మజ ఫెర్టిలిటీ సెంటర్‌కు చెందిన డాక్టర్‌ పీ పద్మజ దాఖలు చేసిన ముందస్తు బెయిలు పిటిషన్‌పై జస్టిస్‌ నందికొండ నర్సింగరావు గురువారం విచారణ చేపట్టారు. తనపై కేసులు నమోదు చేయడం వల్ల వృత్తిపరమైన ప్రతిష్ట దెబ్బతిన్నదని, ప్రజల్లో విశ్వాసం కోల్పోయే పరిస్థితి ఏర్పడిందని డాక్టర్‌ పద్మజ తెలిపారు. వాదనలు శుక్రవారం కొనసాగనున్నాయి.

Comments (0)

User