న‌ల్ల‌గొండ ఎన్జీ కళాశాలలో అతిథి అధ్యాపక పోస్టుకు దరఖాస్తుల ఆహ్వానం

– యూజీ గణితశాస్త్ర విభాగంలో ఖాళీ పోస్టు భర్తీకి చర్యలు
– ఈ 10లోగా దరఖాస్తుల సమర్పణ

రామ‌గిరి, న‌వంబ‌ర్ 07 : నాగార్జున ప్రభుత్వ కళాశాల (అటానమస్)లో 2026–27 విద్యా సంవత్సరానికి సంబంధించి యూజీ గణితశాస్త్ర విభాగంలో ఖాళీగా ఉన్న అతిథి అధ్యాపక పోస్టు భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రిన్సిపాల్ డాక్టర్ సముద్రాల ఉపేందర్ తెలిపారు. ఈ పోస్టుకు దరఖాస్తు చేసుకునే అభ్యర్థులు సంబంధిత సబ్జెక్టులో పీజీలో కనీసం 55 శాతం మార్కులు సాధించి ఉండాలని పేర్కొన్నారు. ఎస్సీ, ఎస్టీ అభ్యర్థులకు పీజీలో 50 శాతం మార్కులు ఉంటే సరిపోతుందని తెలిపారు. పీహెచ్‌డీ, నెట్, సెట్ అర్హతలతో పాటు బోధనా అనుభవం ఉన్న అభ్యర్థులకు ప్రాధాన్యత కల్పించనున్నట్లు వెల్లడించారు.

10వ తేదీ సాయంత్రం 4 గంటల్లోగా దరఖాస్తులు

ఆసక్తి, అర్హత కలిగిన అభ్యర్థులు తమ దరఖాస్తులను ఈ నెల 10వ‌ తేదీ సాయంత్రం 4 గంటల్లోగా నాగార్జున ప్రభుత్వ కళాశాల కార్యాలయంలో సమర్పించాలని ప్రిన్సిపాల్ సూచించారు. దరఖాస్తుతో పాటు ఎస్‌సీసీ, ఇంటర్మీడియట్, డిగ్రీ, పీజీ, పీహెచ్‌డీ, నెట్, సెట్ సర్టిఫికెట్లతో పాటు ఆధార్ కార్డు, బోధనా అనుభవ ధ్రువీకరణ పత్రాల జిరాక్స్ ప్రతులను జత చేయాలని పేర్కొన్నారు.