టీవీవీపీలో గందరగోళం!

- వైద్య విధాన పరిషత్కు దికెవరు?.. కమిషనర్ లేక ఆరు నెలలుగా పాలన అస్తవ్యస్తం
- అమలులోకి రాని కొత్త శాఖ డీఎస్హెచ్
- 16 వేల మంది ఉద్యోగుల భవిష్యత్తు ప్రశ్నార్థకం
- ప్రభుత్వ నిర్లక్ష్యంతో పేదలకు అందని వైద్యం
- పూర్తిస్థాయి కమిషనర్ను నియమించాలని డిమాండ్
- నేడు హైదరాబాద్లో ఉద్యోగుల ధర్నా
కరీంనగర్ విద్యానగర్, నవంబర్ 18 : తెలంగాణ వైద్య విధాన పరిషత్లో పాలన గందరగోళం మారింది. కీలకమైన కమిషనర్ పోస్టును ప్రభుత్వం ఆరు నెలలుగా భర్తీ చేయకపోవడంతో పాలన అస్తవ్యస్తమైంది. టీవీవీపీని డైరెక్టర్ ఆఫ్ సెకండరీ హెల్త్కేర్(డీఎస్హెచ్)గా పేరు మార్చి ఆర్భాటం చేసినప్పటికీ కొత్త శాఖను సైతం అమలు చేయలేని దుస్థితి ఉన్నది. అటు పరిపాలనకు దిశానిర్దేశం చేసే అధికారి లేక, ఇటు ఉద్యోగుల సమస్యలు పరిషరించే వారు లేక సుమారు 16వేల మంది ఉద్యోగుల భవిష్యత్తు అగమ్యగోచరమైంది.
సర్వీస్ సమస్యలు, ఉద్యోగోన్నతులు, ఇంక్రిమెంట్లు, వైద్య బిల్లులు, రిటైర్మెంట్ బెనిఫిట్స్ పెండింగ్లో ఉండగా, ప్రభుత్వ దవాఖానలపై ఆధారపడే పేద, మధ్యతరగతి ప్రజలకు మెరుగైన వైద్య సేవలు అందడంపైనా ప్రభావం పడుతున్నదనే విమర్శలు వ్యక్తమవుతున్నా యి. ఇంతటి కీలకమైన వైద్య వ్యవస్థను ప్రభు త్వం నిర్లక్ష్యం చేయడంపై సర్వత్రా ఆగ్రహం వ్యక్తమవుతున్నది. ఈ మేరకు రెగ్యులర్ డైరెక్టర్, కమిషనర్ను తక్షణమే నియమించి, ఉద్యోగుల దీర్ఘకాలిక సమస్యలను పరిషరించాలనే డిమాండ్తో గురువారం హైదరాబాద్లోని టీవీవీపీ కార్యాలయం ఎదుట సామూహిక ధర్నాకు సిద్ధమయ్యారు. జేఏసీ పరిధిలోని అన్ని ఉద్యోగ సంఘాల నాయకులు, అన్ని కేడర్ల ఉద్యోగులు పెద్ద సంఖ్యలో తరలివచ్చి తమ హకుల కోసం గళమెత్తాలని తెలంగాణ మెడికల్ ఎంప్లాయీస్ యూనియన్ కరీంనగర్ జిల్లా బాధ్యులు ఎస్ సన్ని ఎడ్వర్డ్, ఎంఏ అతీక్, రాష్ట్ర ఉపాధ్యక్షురాలు పిట్టల స్వాతి కోరారు.
అమలుకు నోచుకోని కొత్త శాఖ!
తెలంగాణ వైద్య విధాన పరిషత్ చట్టం-22ను రద్దు చేస్తూ ఈ ఏడాది ఏప్రిల్ 30న అసెంబ్లీలో బిల్లు ఆమోదం పొందింది. డైరెక్టర్ ఆఫ్ సెకండరీ హెల్త్ను ప్రత్యేక శాఖగా గుర్తిస్తూ ఆర్థిక శాఖ అనుమతి ఇచ్చింది. ఇన్ని అధికారిక ప్రక్రియలు పూర్తయినా శాఖ మాత్రం అమలులోకి రాలేదు. అసలు ప్రస్తుతం కొనసాగుతున్నది డైరెక్టర్ ఆఫ్ సెకండరీ హెల్త్ సర్వీసెస్ శాఖనా? లేక తెలంగాణ వైద్య విధాన పరిషత్ కమిషనరేట్నా? అనే విషయంలో ఉద్యోగుల్లో గందరగోళం నెలకొన్నది.
ఉద్యోగోన్నతులను ప్రొవిజనల్ సీనియారిటీ జాబితాలు విడుదల చేసినా పరిశీలన పేరు తో నెలల తరబడి సాగదీస్తున్నారని ఉద్యోగులు ఆరోపిస్తున్నారు. 2025-26 ప్యానెల్ ఇయర్ ప్రమోషన్లు పూర్తికాకపోగా, 2026-27లోనూ పురోగతి కనిపించడం లేదు. కమిషనర్ పోస్టుతో పాటు జాయింట్ కమిషనర్(2), ప్రోగ్రాం ఆఫీసర్లు(10), డిప్యూటీ కమిషనర్(1), స్పెషలిస్ట్ ఆఫీసర్(1), జాయింట్ సెక్రటరీ(1) పోస్టులు ఖాళీగా ఉన్నాయి. హెడ్ ఆఫీస్లో గ్రూప్-1 అధికారి, డాక్టర్ క్యాడర్ అధికారి లేకపోవడం గమనార్హం. 33 జిల్లాల్లోనూ డీసీహెచ్ ఎస్ పోస్టులు భర్తీ కాలేదని చెబుతున్నారు. పరిషత్ పరిధిలో రాష్ట్రవ్యాప్తంగా తొమ్మిది దవాఖానల భవనాలు పూర్తయినా ప్రారంభానికి నోచుకోవడం లేదు.
ఫైల్ను తొక్కిపెడుతున్నారా?
పూర్తిస్థాయి కమిషనర్ను నియమించాలని హెల్త్ సెక్రటరీ, ఆరోగ్యశాఖ మంత్రిని కలిసిన ఎలాంటి ప్రయోజనం లేదని ఉద్యోగులు వాపోతున్నారు. సీఎంవోలో ఉన్నతాధికారి ఉద్దేశపూర్వకంగా ఫైల్ను తొక్కిపెడుతున్నారని ఆరోపిస్తున్నారు. ప్రభుత్వం తక్షణమే పూర్తిస్థాయి కమిషనర్ను నియమించాలని, డైరెక్టర్ ఆఫ్ సెకండరీ హెల్త్ శాఖ అ మలు ప్రక్రియను పూర్తి చేసి పరిపాలనా నిర్మాణంపై స్పష్టత ఇవ్వాలని డిమాండ్ చేస్తున్నారు. ఇటీవల డీఎంఈ పరిధిలో పనిచేస్తున్న 554 మంది ఉద్యోగులను వెనకి తీసుకొని కమిషనరేట్లో రిపోర్టు చేయాలని ఆదేశించడంతో ఉద్యోగుల్లో తీవ్ర గందరగోళం నెలకొన్నది. అయితే వారికి కేటాయించాల్సిన పోస్టులు, విధులు, తదుపరి నియామకాలపై స్పష్టత లేక తాము ఎకడ విధులు నిర్వహించాలనే ప్రశ్న వారిని వేధిస్తున్నది.
Comments (0)