జైస్వాల్‌ మరో శతకం
లింకన్‌: న్యూజిలాండ్‌ పర్యటనలో భారత యువ ఓపెనర్‌ యశస్వి జైస్వాల్‌ (102) వరుసగా రెండో శతకంతో మెరిశాడు. దాంతో న్యూజిలాండ్‌-ఏ జట్టుతో శనివారం మొదలైన మూడో అనధికార టెస్టును భారత్‌-ఏ మెరుగ్గా ఆరంభించింది. టాస్‌ ఓడి బ్యాటింగ్‌కు దిగిన భారత్‌ 227/2 స్కోరు చేసింది. వర్షం కారణంగా తొలి రోజు 70 ఓవర్ల ఆటే సాధ్యమైంది. ఓపెనర్లు జైస్వాల్‌, సాయి సుదర్శన్‌ (77 బ్యాటింగ్‌) తొలి వికెట్‌కు 175 పరుగులు జోడించి బలమైన పునాది వేశారు. ప్రస్తుతం సుదర్శన్‌, కెప్టెన్‌ ధ్రువ్‌ జురెల్‌ (12 బ్యాటింగ్‌) క్రీజులో ఉన్నారు.
Comments (0)