‘చదువుకో తెలంగాణ’ పోస్టర్ ఆవిష్కరణ

అర్వపల్లి, నవంబర్ 10 : శ్రీరామ్ గ్రూప్ ఆధ్వర్యంలో నిర్వహించిన “చదువుకో తెలంగాణ” పోస్టర్ ఆవిష్కరణ కార్యక్రమం మంగళవారం అర్వ‌ప‌ల్లిలో ఘనంగా జరిగింది. ఈ కార్యక్రమంలో వరంగల్ డిప్యూటీ జనరల్ మేనేజర్ గంగుల సతీష్ కుమార్, ఖమ్మం డివిజన్ మేనేజర్ రాజబోయిన భరత్ కుమార్, సూర్యాపేట బ్రాంచ్ మేనేజర్ బందెల భరత్ కుమార్, పాఠశాల ప్రధానోపాధ్యాయులు మల్లేష్ ముఖ్య అతిథులుగా పాల్గొని చదువుకో తెలంగాణ పోస్టర్‌ను ఆవిష్కరించారు. అనంతరం సూర్యాపేట జిల్లా అర్వపల్లి పాఠశాలలో మండల స్థాయిలో ప్రతిభ కనబరిచి టాపర్లుగా నిలిచిన మొహమ్మద్.అస్లాం, భాషా సిద్ధిక్, పొట్టేపాక శ్రావ్య విద్యార్థులకు ప్రోత్సాహకంగా రూ.10,000 విలువైన చెక్కులను అందజేశారు. ఈ కార్యక్రమంలో శ్రీరామ్ లైఫ్ సూర్యాపేట డెవలప్‌మెంట్ ఆఫీసర్స్ కుంభం.సురేందర్, రాజబోయిన రాజు, సేల్స్ మేనేజర్ యుగంధర్, సేల్స్ ఆఫీసర్ గోళ్ల‌ శ్రీనివాస్, ఉపాధ్యాయులు, విద్యార్థులు పాల్గొన్నారు.