కొత్త పాత్ర కోసం కసరత్తులు

22 November 2026 - 02:00
0 0
కొత్త పాత్ర కోసం కసరత్తులు
Ram Charan

బ్లాక్‌బస్టర్‌ ‘రంగస్థలం’ తర్వాత సుకుమార్‌ దర్శకత్వంలో రామ్‌చరణ్‌ సినిమా చేస్తున్న సంగతి తెలిసిందే. ఈ సినిమా కోసం ఓ క్రేజీ సబ్జెక్ట్‌ని సుకుమార్‌ సిద్ధం చేసినట్టు వినికిడి. ఇందులో రామ్‌చరణ్‌ పాత్ర ఆయన కెరీర్‌లోనే అత్యంత బరువైనది, విభిన్నమైనదిగా ఉంటుందని ఇన్‌సైడ్‌ టాక్‌. ‘పెద్ది’ సినిమా కోసం లాంగ్‌ హెయిర్‌ పెంచి, ధృఢకాయుడిగా మారారు రామ్‌చరణ్‌. అలాగే ఈ సినిమాలోని పాత్ర కోసం కూడా ఒక ట్రైనర్‌ని పెట్టుకొని సినిమాకు కావాల్సిన కొత్త లుక్‌, పర్సనాలిటీ కోసం ఆయన కసరత్తులు మొదలుపెట్టారట. ఈ పాత్రకు కావాల్సిన స్క్రీన్‌ ప్రెజెన్స్‌ని అద్భుతంగా ప్రజెంట్‌ చేసే విషయంలో చరణ్‌ ఎక్కడా కాంప్రమైజ్‌ కావట్లేదు.

ఈ పాన్‌ ఇండియా సినిమాకు సంబంధించిన ప్రీప్రొడక్షన్‌ పనులు శరవేగంగా జరుగుతున్నాయి. జనవరి నుంచి రెగ్యులర్‌ షూటింగ్‌ మొదలుకానున్నదని సమాచారం. ఇందులో కథానాయిక ఎవరనేది చిత్రబృందం అధికారికంగా ప్రకటించలేదు. సారా అర్జున్‌, సాత్విక వీరవల్లి, రుక్మిణి వసంత్‌, భాగ్యశ్రీబోర్సే, శ్రీలీల.. ఇలా చాలామంది కథానాయికల పేర్లు వినిపిస్తున్నాయి. మైత్రీమూవీమేకర్స్‌, టీ-సిరీస్‌, సుకుమార్‌ రైటింగ్స్‌ కలిసి నిర్మిస్తున్న ఈ చిత్రానికి అనిరుధ్‌ రవిచందర్‌ సంగీతం అందించే అవకాశం ఉన్నది.

Comments (0)

User