కేసీఆర్ దీక్ష వల్లే తెలంగాణ సాకారం

- 29న దీక్షా దివస్ సభను విజయవంతం చేయాలి: మాజీ మంత్రి గంగుల
కరీంనగర్ కార్పొరేషన్, నవంబర్ 20 : తెలంగాణ ఉద్యమంలో నవంబర్ 29 ఒక కీలకమైన మలుపు తీసుకువచ్చిన రోజు అని మాజీ మంత్రి, ఎమ్మెల్యే గంగుల కమలాకర్ తెలిపారు. ఈ నెల 29న కరీంనగర్లోని అలుగునూర్లో దీక్షా దివస్ సందర్భంగా భారీ బహిరంగ సభ నిర్వహిస్తున్నట్టు పేర్కొన్నారు. శుక్రవారం కరీంనగర్లోని మిషన్ హాస్పిటల్ సమీపంలో వాల్ రైటింగ్ కార్యక్రమాన్ని చేపట్టారు. ఈ సందర్భంగా గంగుల మాట్లాడుతూ.. ‘కేసీఆర్ సచ్చుడో.. తెలంగాణ వచ్చుడో’ అన్న నినాదంతో ఆమరణ నిరహార దీక్షకు దిగడంతోనే ప్రత్యేక రాష్ట్ర సాధన ఉద్యమం ఉవ్వెత్తున లేచిందని అన్నారు.
ఈ దీక్ష వల్లే రాష్ట్ర ప్రకటన వచ్చిందని గుర్తుచేశారు. ఈ దీక్షకు వెళ్తున్న కేసీఆర్ను అరెస్టు చేసిన అలుగునూర్ ప్రాంతంలోనే దీక్షా దివస్ బహిరంగ సభ పెద్ద ఎత్తున నిర్వహిస్తున్నామని చెప్పారు. ఈ సభను విజయవంతం చేసేందుకు కృషి చేయాలని పిలుపునిచ్చారు. కార్యక్రమంలో బీఆర్ఎస్ నగర అధ్యక్షుడు చల్ల హరిశంకర్, జిల్లా గ్రంథాలయ సంస్థ మాజీ చైర్మన్ ఏనుగు రవీందర్రెడ్డి, నేతలు పాల్గొన్నారు.
Comments (0)