కుమారుడి మృతితో మనస్తాపం.. తల్లి ఆత్మహత్య

చౌటుప్పల్, నవంబర్ 19 : కన్న కొడుకు మృతిని తట్టుకోలేక మనస్తాపానికి గురైన తల్లి ఆత్మహత్యకు పాల్పడిన విషాద ఘటన చౌటుప్పల్లో గురువారం చోటుచేసుకుంది. పోలీసులు తెలిపిన వివరాల ప్రకారం.. సూర్యాపేట జిల్లా ఎల్కారం గ్రామానికి చెందిన మొదల పావని (22) భర్త రవితో కలిసి జీవనోపాధి కోసం చౌటుప్పల్కు వచ్చి హనుమాన్ నగర్లో అద్దె ఇంట్లో నివాసం ఉంటున్నారు. వీరికి 18 నెలల కుమారుడు హేమంత్. గత నెల ఆగస్టు 9న బాలుడు ఆడుకుంటూ నాఫ్తాలిన్ గోళీలు మింగాడు. చికిత్స పొందుతూ 15 రోజుల క్రితం మృతి చెందాడు. అప్పటి నుండి కుమారుడి మరణాన్ని తట్టుకోలేక పావని తీవ్ర మనస్తాపానికి గురైంది. ఈ క్రమంలో ఈ రోజు ఉదయం పావని భర్త రవి కూరగాయలు కొనేందుకు మార్కెట్కు వెళ్లగా చీరతో ఉరి వేసుకుని ఆత్మహత్యకు పాల్పడింది. కుటుంబ సభ్యులు మృతదేహాన్ని చౌటుప్పల్ ప్రభుత్వ ఆస్పత్రికి తరలించారు. పావని తల్లి రావుల సైదమ్మ ఇచ్చిన ఫిర్యాదు మేరకు పోలీసులు కేసు నమోదు చేశారు.
Comments (0)