బోడంగిపర్తిలో ఘనంగా వేంకటేశ్వర స్వామి కల్యాణం

చండూరు, నవంబర్ 19 : చండూరు మండల పరిధిలోని బోడంగిపర్తి గ్రామంలో శ్రీ అలివేలు మంగ సమేత వేంకటేశ్వర స్వామి వారి 23వ బ్రహ్మోత్సవాల్లో భాగంగా స్వామి కల్యాణం గురువారం ఘనంగా నిర్వహించారు. గ్రామస్థులు, భక్తులు పెద్ద సంఖ్యలో పాల్గొని స్వామివారి కల్యాణాన్ని తిలకించారు. ఉదయం నుండే ఆలయ పరిసరాల్లో మంగళ వాయిద్యాలు, భజనలు, వేద పారాయణలతో పవిత్ర వాతావరణం నెలకొంది. స్వామివారికి ప్రత్యేక అలంకరణ, పుష్పాలంకరణ చేశారు. పూజారులు వేద మంత్రోచ్చారణలతో కల్యాణ మహోత్సవాన్ని నిర్వహించారు. కల్యాణ మహోత్సవం అనంతరం అన్నదానం, ప్రసాద వితరణ చేశారు.

బోడంగిపర్తిలో ఘనంగా శ్రీ వేంకటేశ్వర స్వామి కల్యాణం
Comments (0)