ఇది తుగ్లక్‌ ప్రభుత్వం.. ప్రజలు లేకుండానే ప్రజాభిప్రాయ సేకరణ
- డీపీఆర్‌ లేకుండానే మూసీ ప్రాజెక్టు టెండర్లు
- నిలదీసిన బీఆర్‌ఎస్‌ వరింగ్‌ ప్రెసిడెంట్‌ కేటీఆర్‌
హైదరాబాద్‌, నవంబర్‌ 9 (నమస్తే తెలంగాణ) : రాష్ట్ర ప్రభుత్వ తీరుపై బీఆర్‌ఎస్‌ వరింగ్‌ ప్రెసిడెంట్‌ కేటీఆర్‌ తీవ్ర విమర్శలు చేశారు. ప్రజలు లేకుండానే ప్రజాభిప్రాయ సేకరణ నిర్వహిస్తున్నదని, సమగ్ర ప్రాజెక్టు నివేదిక (డీపీఆర్‌) సిద్ధం కాకుండానే మూసీ సుందరీకరణ పనులకు టెండర్లు పిలుస్తున్నదని మండిపడ్డారు.
రాష్ట్రంలో తీవ్ర కరువు పరిస్థితులు నెలకొన్న సమయంలో మూసీ సుందరీకరణ పనులు చేపట్టడం ఏందని ప్రశ్నించారు. ఈ పరిణామాలన్నీ చూస్తుంటే ఇది తుగ్లక్‌ ప్రభుత్వమా? అని అనుమానం కలుగుతున్నదని సోమవారం ఎక్స్‌ వేదికగా దెప్పిపొడిచారు.
Comments (0)