ఇంగ్లండ్‌దే వన్డే సిరీస్‌

19 November 2026 - 07:00
0 0
ఇంగ్లండ్‌దే వన్డే సిరీస్‌
England Cricket Team

హోబర్ట్‌: స్వదేశంలో ఆస్ట్రేలియాకు షాక్‌ తగిలింది. మూడు మ్యాచ్‌ల వన్డే సిరీస్‌లో ఇంగ్లండ్‌ విజయం సాధించింది. బుధవారం జరిగిన నిర్ణయాత్మక మూడో వన్డేలో ఇంగ్లిష్‌ టీమ్‌ 97 పరుగుల తేడాతో కంగారూలను ఓడించి సిరీస్‌ను 2-1తో గెలుచుకుంది.

బెన్‌ డకెట్‌ (133) సెంచరీకి తోడు విల్‌ జాక్స్‌ (59), టామ్‌ బాంటన్‌ (44) మెరుపులతో మొదట బ్యాటింగ్‌ చేసిన ఇంగ్లండ్‌ 328 పరుగుల భారీ స్కోరు చేసింది. రెండో వన్డే మాదిరిగానే భారీ ఛేదనలో ఆసీస్‌ మరోసారి తడబడింది. ఇంగ్లిష్‌ బౌలర్ల ధాటికి ఆ జట్టు 46.5 ఓవర్లలో 231 రన్స్‌కే పరిమితమైంది. మాథ్యూ రెన్‌షా (55) టాప్‌ స్కోరర్‌. ఇంగ్లండ్‌ బౌలర్లలో బేకర్‌ (4/45), డాసన్‌ (3/42) రాణించారు.

Comments (0)

User