అరకొర పొగరువే అందమైన సగమువే

కృష్ణ ఓ రచయిత. భార్య అంటే పిచ్చి ప్రేమ. ఆమె పేరు మీదనే కథలు కూడా రాస్తుంటాడు. సజావుగా సాగిపోతున్న వీరి దాంపత్య జీవితంలో ఓ చిన్న సంఘటన అలజడి రేపుతుంది. ఈ నేపథ్యంలో వారి ప్రయాణం ఎలా సాగిందో తెలుసుకోవాలంటే ‘అలియాస్‌ రుక్మిణి’ చూడాల్సిందే అంటున్నారు మేకర్స్‌. నితిన్‌ హీరోగా నటిస్తున్న ఈ చిత్రానికి ‘దండోరా’ ఫేమ్‌ మురళీకాంత్‌ దేవసోత్‌ దర్శకత్వం వహిస్తున్నారు. హీరో నాని సమర్పణలో ఆయన సోదరి దీప్తి గంటా నిర్మిస్తున్నారు.

డిసెంబర్‌ 4న ప్రేక్షకుల ముందుకురానుంది. శుక్రవారం ఈ సినిమా నుంచి ‘పిచ్చి ప్రేమలో నన్నే ముంచుతావే..’ అనే మెలోడీ గీతాన్ని విడుదల చేశారు. విజయ్‌ బుల్గానిన్‌ స్వరపరచిన ఈ పాటను కృష్ణకాంత్‌ రచించారు. కార్తీక్‌ ఆలపించారు. ‘చిరుచిరు చిలకవే చిన్నెలున్న అలకవే చిత్రమైన మనసువే వయ్యారి, అరకొర పొగరువే అందమైన సగమువే, అల్లుకున్న సొగసువే నా దేవి..పిచ్చి ప్రేమలో నన్నే ముంచుతావే’ అంటూ కొత్తగా పళ్లైన జంట మధ్య అనుబంధాన్ని ఆవిష్కరిస్తూ ఈ పాట సాగింది.