సిద్దిపేటలో బీఆర్‌ఎస్‌ నేతల నిర్బంధం

20 November 2026 - 05:30
0 0
సిద్దిపేటలో బీఆర్‌ఎస్‌ నేతల నిర్బంధం
01
  • అర్ధరాత్రి నుంచి నాయకుల అక్రమ అరెస్టులు

సిద్దిపేట, నవంబర్‌ 19 : సీఎం రేవంత్‌రెడ్డి సిద్దిపేట పర్యటన సందర్భంగా పోలీసులు బీఆర్‌ఎస్‌ నాయకులను ఎక్కడికక్కడ నిర్బంధించారు. గురువారం అర్ధరాత్రి నుంచే నియోజకవర్గంలోని బీఆర్‌ఎస్‌ నాయకులను అక్రమంగా అరెస్టు చేసి వివిధ పోలీస్‌ స్టేషన్లకు తరలించారు. బీఆర్‌ఎస్‌ నాయకులు ఎడ్ల సోమిరెడ్డి, నిమ్మ రజినీకాంత్‌రెడ్డి, కోనయ్యగారి ఎల్లయ్య, ప్రభాకర్‌, సంతోష్‌కుమార్‌, రెడ్డి యాదగిరి, మహిపాల్‌గౌడ్‌, ఎన్‌ చంద్రం, రెబల్‌ రమేశ్‌, కరేళ్ల సతీష్‌, జువ్వన కనకరాజు, దరిపల్లి శ్రీనివాస్‌, గంధం రాజు, పడిగే ప్రశాంత్‌, నరేశ్‌, కామనీ శ్రీనివాస్‌, జంగిటి శ్రీనివాస్‌, ఉమేశ్‌, కీసర పాపయ్య, వెంకటేశం, ఇట్టబోయిన శ్రీనివాస్‌తోపాటు సిద్దిపేట రూర ల్‌, అర్బన్‌, నారాయణరావుపేట, చిన్నకోడూ ర్‌, నంగునూరు మండలాల్లోని విద్యార్థి యు వజన విభాగం ముఖ్య నాయకులందరినీ అరెస్ట్‌చేసి ఆయా పోలీస్‌ స్టేషన్లకు తరలించారు.

సిద్దిపేట పట్టణం, సిద్దిపేట రూరల్‌, అర్బన్‌ మండలాల్లో అరెస్ట్‌ చేసిన బీఆర్‌ఎస్‌ నాయకులను తొగుట పోలీస్‌ స్టేషన్‌కు తరలించారు. కాగా సిద్దిపేట పట్టణ బీఆర్‌ఎస్‌ అధ్యక్షుడు కొండం సంపత్‌ రెడ్డి, మాజీ కౌన్సిలర్లు అరవింద్‌రెడ్డి, తిరుమల్‌రెడ్డి, పట్టణ యువజన విభాగం అధ్యక్షుడు రెడ్డి ప్రభాకర్‌రెడ్డి, ఆర్టీఐ మాజీ సభ్యుడు ఇర్షాద్‌ హుస్సేన్‌ హౌస్‌ను అరెస్టుచేశారు. ఈ సందర్భంగా బీఆర్‌ఎస్‌ నాయకులు కొండం సంపత్‌రెడ్డి, కామనీ శ్రీనివాస్‌, ఎడ్ల సోమిరెడ్డి మాట్లాడుతూ.. అభివృద్ధికి నిధులు మంజూరు చేయాలని అడిగితే ప్రభుత్వం పోలీసులను ఉసిగొలిపి అక్రమ అరెస్టులతో ప్రతిపక్షాల గొంతు నొకాలని చూస్తున్నదని విమర్శించారు. మాజీ మంత్రి, సిద్దిపేట ఎమ్మెల్యే హరీశ్‌రావును రాజకీయంగా ఎదురొనే ధైర్యం లేకనే పోలీసులను ఉసిగొలిపి బీఆర్‌ఎస్‌ నాయకులను ముందస్తుగా అరెస్టు చేశారని మండిపడ్డారు.

Comments (0)

User