సింగరేణి మండల పాస్టర్స్ కమిటీ నూతన కార్యవర్గం ఎన్నిక

– అధ్యక్షుడిగా జాన్ ప్రకాష్, కార్యదర్శిగా ఎం.బాబురావు
కారేపల్లి, నవంబర్ 16 : సింగరేణి మండల పాస్టర్స్ కమిటీ సమావేశం సోమవారం కారేపల్లిలోని బెరాక అపోస్తలిక్ చర్చిలో జయరాజు ఆధ్వర్యంలో నిర్వహించారు. ఈ సమావేశానికి డోర్నకల్కు చెందిన ముఖ్య ప్రసంగీకులు వికాస్ దానియేల్ జాషువా పాల్గొని ఆధ్యాత్మిక సందేశాన్ని అందించారు. ఈ సందర్భంగా మండలంలోని పాస్టర్లు, క్రైస్తవ సేవకుల సమక్షంలో నూతన పాస్టర్స్ కమిటీ కార్యవర్గాన్ని ఎన్నుకున్నారు. నూతన కమిటీ మండల అధ్యక్షుడిగా జాన్ ప్రకాష్, మండల కార్యదర్శిగా ఎం. బాబురావు ఎన్నికయ్యారు. నూతనంగా ఎన్నికైన అధ్యక్ష, కార్యదర్శులకు సమావేశంలో పాల్గొన్న పాస్టర్లు, సేవకులు అభినందనలు తెలిపారు. మండలంలోని చర్చిల మధ్య ఐక్యతను పెంపొందిస్తూ, క్రైస్తవ సేవా కార్యక్రమాలను మరింత విస్తృతంగా చేపట్టాలని ఈ సందర్భంగా ఆకాంక్షించారు. ఈ సమావేశంలో ప్రేమ్ సాగర్, మధుసూదన్ రావు, విలియం, కేరి పాల్ రాజు, బి. బాబురావు, సీహెచ్. కరుణాకర్, శ్యాంసుందర్, బల్లెం సాల్మన్ రాజు, లాజరస్, జాషువా, జయరాజు, ఉదయ్ కిరణ్, అఖిల్, జి. ప్రసాద్, భక్త సింగ్, సువర్ణ రాజు, జాన్సన్, సుదర్శన్, బాలకిషన్, లివిస్టన్, పేతురు, ఆనందరావుతో పాటు పలువురు పాస్టర్లు, మహిళలు పాల్గొన్నారు.
Comments (0)