రేప‌టి నుండి కోదాడలో 93వ విశ్వశాంతి మహాయాగ మహోత్సవం

19 November 2026 - 20:00
0 0
రేప‌టి నుండి కోదాడలో 93వ విశ్వశాంతి మహాయాగ మహోత్సవం
రేప‌టి నుండి కోదాడలో 93వ విశ్వశాంతి మహాయాగ మహోత్సవం

– లోక కల్యాణమే ధ్యేయంగా మహాయాగం
– అయుత చండీ, అతిరుద్రం, సీతారామ పట్టాభిషేకానికి సర్వం సిద్ధం
– స్వరూపానంద స్వామీజీ

కోదాడ, న‌వంబ‌ర్ 19 : కోదాడ పట్టణంలోని వంటిపులి గోపయ్య మైదానంలో నవంబర్ 20 తేదీ శుక్రవారం నుండి డిసెంబర్ 6వ తేదీ ఆదివారం వరకు ‘శ్రీ కృష్ణ కాలచక్రం 93వ విశ్వశాంతి మహాయాగ మహోత్సవం ఘనంగా నిర్వహించనున్నట్లు శ్రీ కృష్ణ పీఠాధిపతి కృష్ణ జ్యోతి స్వరూపానంద స్వామీజీ తెలిపారు. యాగశాల వద్ద గురువారం ఏర్పాటు చేసిన విలేకరుల సమావేశంలో పట్టణ ప్రముఖులతో కలిసి స్వామీజీ మహాయాగ వివరాలను వెల్లడించారు. ​విశ్వశాంతితో పాటు ప్రజలంతా సుభిక్షంగా ఉండాలని, అతివృష్టి, అనావృష్టి లేకుండా నిరంతరం ప్రజలందరూ పాడిపంటలతో, సుఖశాంతులతో ఉండటమే ఈ మహాయాగం ముఖ్య ఉద్దేశమని స్వామీజీ పేర్కొన్నారు. ఈ మహాయాగంలో విష్ణు పంచాయతనం, అయుత చండీ, అతిరుద్రం, మహాసౌర, మహాగణపతి, లక్ష్మీనారాయణ, సుదర్శన యాగాలు, కోటి కుంకుమార్చనలు, కోటి దీపోత్సవం,చతుర్వేద పూర్వక రామాయణ, భాగవత హవనాలు మరియు శ్రీ సీతారామ సామ్రాజ్య పట్టాభిషేకం వంటి విశేష క్రతువులు నిర్వహిస్తున్నట్లు తెలిపారు.

​భక్తులందరూ పెద్ద సంఖ్యలో యాగంలో పాల్గొని తీర్థప్రసాదాలు, అన్నప్రసాదం స్వీకరించాలని కోరారు. ఈ యజ్ఞం పరిపూర్ణంగా, దిగ్విజయంగా జరిగేందుకు ప్రజలందరూ సంపూర్ణ సహాయ సహకారాలు అందించాలని విజ్ఞప్తి చేశారు. ఈ సమావేశంలో మాజీ సర్పంచ్ ఎమ్మేని వెంకటరత్నం బాబు, లారీ అసోసియేషన్ రాష్ట్ర నాయకులు రామినేని శ్రీనివాస్, కిట్స్ కళాశాల చైర్మన్ వీర సత్యనారాయణ, వనపర్తి లక్ష్మీనారాయణ నిర్వాహకులు, సిబ్బంది, స్థానికులు పాల్గొన్నారు.

Comments (0)

User