మోరంపల్లిబంజర్ పీహెచ్సీలో శ్రమదానం.. సమిష్టి భోజనం

– హాజరైన డీడీవో ప్రసాద్
బూర్గంపహాడ్, నవంబర్ 19 : జిల్లా వైద్య ఆరోగ్యశాఖ అధికారి ఆదేశాల మేరకు బూర్గంపహాడ్ మండల పరిధిలోని మోరంపల్లిబంజర్ ప్రాథమిక ఆరోగ్య కేంద్రంలో గురువారం శ్రమదానం- సమిష్టి భోజనం కార్యక్రమాన్ని నిర్వహించారు. ఈ కార్యక్రమంలో డ్రాయింగ్ అండ్ డిస్బర్పింగ్ ఆఫీసర్(డీడీవో) డాక్టర్ ప్రసాద్ పాల్గొన్నారు. పీహెచ్సీలో సూపర్వైజర్లు, సిస్టర్లు, ఎంఎల్హెచ్లు, ఆశాలు పీహెచ్సీ ఆవరణలో శ్రమదానం నిర్వహించి పరిసరాలు శుభ్రం చేశారు. కొందరు వంటావార్పు చేయడంతో పీహెచ్సీ వద్ద అందరూ సమిష్టి భోజనం చేశారు. ఈ సందర్భంగా డీడీఓ ప్రసాద్ పీహెచ్సీ వైద్యులు, సిబ్బందితో సమావేశం నిర్వహించి జాతీయ కార్యక్రమాల్లో ప్రతివారం పురోగతి సాధించాలని, నెలాఖరు నాటికి అన్ని జాతీయ కార్యక్రమాల్లో 100 శాతం లక్ష్యాలను పూర్తి చేయాలని సూచించారు. ఈ కార్యక్రమంలో వైద్యురాలు అనిత, సిబ్బంది పాల్గొన్నారు.
Comments (0)