‘మైనారిటీ విద్యార్థులకు ఉచిత నైపుణ్య శిక్షణ.. ఉపాధి అవకాశాలు’

– మైనారిటీ సంఘం రాష్ట్ర అధ్యక్షుడు యాకూబ్ పాషా
రుద్రంపూర్, నవంబర్ 20 : నిరుద్యోగ మైనారిటీ యువతకు నైపుణ్యాభివృద్ధి శిక్షణతో పాటు ఉపాధి అవకాశాలు కల్పించేందుకు తెలంగాణ మైనారిటీ స్టడీ సర్కిల్ ఆధ్వర్యంలో పలు ఉచిత శిక్షణ కోర్సులను అందిస్తున్నట్లు తెలంగాణ రాష్ట్ర మైనారిటీ సంఘం అధ్యక్షుడు ఎండీ యాకూబ్ పాషా శుక్రవారం ఒక ప్రకటనలో తెలిపారు. ఆసక్తి గల అభ్యర్థులు ఆన్లైన్లో దరఖాస్తు చేసుకోవాలని తెలిపారు. పదో తరగతి ఉత్తీర్ణులైన లేదా ఫెయిలైన వారికి ఎలక్ట్రిక్ వెహికల్ నైపుణ్య శిక్షణలో 60 సీట్లు, డిగ్రీ పూర్తి చేసిన వారికి సైబర్ సెక్యూరిటీలో 120 సీట్లు, బేసిక్ కంప్యూటర్ డేటా అనలిటిక్స్లో 60 సీట్లు, సైన్స్ విద్యార్హత కలిగిన వారికి మెడికల్ కోడింగ్, బిల్లింగ్లో 60 సీట్లు అందుబాటులో ఉన్నాయని వివరించారు. శిక్షణ పూర్తి చేసుకున్న వారికి స్టడీ సర్కిల్ ద్వారా ఉపాధి అవకాశాలు కల్పించనున్నట్లు తెలిపారు. ముస్లిం, క్రిస్టియన్, సిక్కు, జైన, బౌద్ధ, పార్శీ మైనారిటీ వర్గాలకు చెందిన అర్హులైన అభ్యర్థులు ఈ నెల 24వ తేదీలోపు https://www.tgmscccc.com/ వెబ్సైట్లో దరఖాస్తు చేసుకోవాలని సూచించారు. మరిన్ని వివరాలకు 8520860785, 8919850920, 6305385949 నంబర్లను సంప్రదించాలని కోరారు.
Comments (0)