Anil Byreddy | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం: అనిల్ బైరెడ్డి

ఆస్ట్రేలియా : ఆస్ట్రేలియా (Australia) లో నివసిస్తున్న తెలంగాణ ప్రవాసుల కోసం ప్రత్యేకంగా తెలంగాణ కల్చరల్ సెంటర్ ( Telangana Cultural Center) ‘తెలంగాణ భవన్’ నిర్మాణానికి శ్రీకారం చుట్టినట్లు సంస్థ వ్యవస్థాపకుడు అనిల్ బైరెడ్డి ( Anil Byreddy) తెలిపారు. గత 14 సంవత్సరాలుగా ఆస్ట్రేలియాలోని తెలంగాణ కమ్యూనిటీ కోసం నిరంతరాయంగా కృషి చేస్తున్నామని గుర్తుచేశారు.
ప్రతి ఏటా నిర్వహించే బతుకమ్మ సంబరాలతో పాటు, మరెన్నో కీలకమైన సాంస్కృతిక, సామాజిక కార్యక్రమాల ద్వారా ఇక్కడి తెలంగాణ సమాజాన్ని ఏకం చేయడంలో కీలక పాత్ర పోషిస్తున్నామని చెప్పారు. తెలంగాణ సంస్కృతి, సాంప్రదాయాలను పరాయి దేశంలోనూ సజీవంగా ఉంచేందుకు ఈ భవనం ఎంతో దోహదపడుతుందని ఆయన పేర్కొన్నారు. రాబోయే రోజుల్లో నిర్మించబోయే ఈ ‘తెలంగాణ భవన్’ ప్రవాస తెలంగాణ బిడ్డలందరికీ ఒక ఉమ్మడి వేదికగా నిలుస్తుందని, భావితరాలకు తెలంగాణ మూలాలను అందించడానికి ఇది ఒక కేంద్రంగా మారుతుందని ఆయన ఆశాభావం వ్యక్తం చేశారు.
Comments (0)