YS Jagan | సమగ్రమైన కుల గణనకు వైసీపీ మద్దతు : వైఎస్‌ జగన్‌

20 November 2026 - 00:00
0 0
YS Jagan | సమగ్రమైన కుల గణనకు వైసీపీ మద్దతు : వైఎస్‌ జగన్‌
Ys Jagan Mohan Reddy

అమరావతి : న్యాయమైన, సమగ్రమైన కుల గణనకు( Caste enumeration ) వైసీపీ సంపూర్ణ మద్దతు ఇస్తుందని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ( YS Jagan ) ప్రకటించారు. ఆల్ ఇండియా కుల గణన సమన్వయ కమిటీ ప్రతినిధి బృందంతో భేటీ అయిన విషయాన్ని జగన్‌ ట్వీట్‌ ( Tweet ) చేశారు. ‘ఆల్ ఇండియా కుల గణన సమన్వయ కమిటీ ప్రతినిధి బృందంతో సమావేశమయ్యారు.

జనాభా లెక్కలకు సంబంధించి కుల గణన అంశాలు, ఆందోళనలపై చర్చించాను. సామాజిక న్యాయం సాధించాలంటే సమగ్ర, సుస్థిర, సమాన అభివృద్ధికి వీలుగా వాస్తవ గణాంకాల ఆధారంగా నిర్ణయాలు తీసుకోవాలి. కుల గణనకు సంబంధించి వారు చేసిన డిమాండ్లు సమంజసమైనవి. వాటిని తీవ్రంగా పరిగణించాల్సిన అవసరం ఉందని పేర్కొన్నారు.

గణన ప్రక్రియలో ఏ కులం కూడా మిగిలిపోకుండా సమగ్ర కులాల ఎంపిక జాబితాను అందుబాటులో ఉంచాలని కమిటీ డిమాండ్ చేసిందన్నారు. ప్రతి కుటుంబ ఆర్థిక స్థితిని తెలియజేసే వివరాలను నమోదు చేయాలని, సమగ్ర కుల గణన చేపట్టాలన్న డిమాండ్‌ను ముందు నుంచే వైసీపీ సమర్ధిస్తు వస్తుందని వెల్లడించారు. వాస్తవ గణాంకాల ఆధారంగా విధాన నిర్ణయాలు తీసుకోవడానికి, సంక్షేమ, అభివృద్ధి పథకాలను సమర్థంగా అమలు చేయడానికి కచ్చితమైన, సమగ్రమైన, అందరినీ కలుపుకొని సాగే కుల గణన ఎంతో అవసరమని స్పష్టం చేశారు.

Comments (0)

User