తుంగతుర్తిలో ఘనంగా విద్యాసాగర్ రావు జయంతి వేడుకలు

తుంగతుర్తి, న‌వంబ‌ర్ 14 : సమైక్య రాష్ట్రంలో తెలంగాణ ప్రాంతానికి సాగు నీటిరంగంలో జరుగుతున్న అన్యాయంపై పోరాటం చేసిన రిటైర్డ్ చీఫ్ ఇంజినీర్, సాగునీటి రంగ నిపుణుడు, అమరజీవి విద్యాసాగర్ రావు సేవలు మరువలేనివ‌ని బీఆర్ఎస్ తుంగ‌తుర్తి మండ‌లాధ్య‌క్షుడు తాటికొండ సీతయ్య అన్నారు. శనివారం మండల కేంద్రంలోని పార్టీ కార్యక్రమంలో విద్యాసాగ‌ర్ రావు జయంతి వేడుకలు ఘనంగా నిర్వహించారు. తెలంగాణ రాష్ట్ర సాధన ఉద్యమంలో కేసీఆర్ వెంట నడుస్తూ తెలంగాణ‌ ప్రాంతానికి కావాల్సిన నీటి వనరుల‌ ఏర్పాటు, ఉపయోగాల‌ గురించి చర్చించి సూచనలు అందించిన త‌మ ప్రాంత వాసి విద్యాసాగర్ రావు కృషి అభినంద‌నీయ‌మ‌ని కొనియాడారు. ఈ కార్యక్రమంలో బీఆర్ఎస్ జిల్లా నాయకుడు గుండగాని రాములుగౌడ్, మండల నాయకులు తునికి సాయిలు గౌడ్, గోపగాని రమేశ్‌ గౌడ్, ఉప్పుల నాగమల్లు, నల్లబెల్లి వెంకటేష్, గోపగాని వెంకన్న గౌడ్ పాల్గొన్నారు.