డీజీపీకి ఎమ్మెల్సీ తీన్మార్‌ మల్లన్న ఫిర్యాదు
హైదరాబాద్‌, నవంబర్‌ 13 (నమస్తే తెలంగాణ) : యాదాద్రి భువనగిరి జిల్లా, మోతూర్‌ మండలంలోని అన్నాజీపురం-తిరుమలగిరి రోడ్డు సమీపంలో కొనసాగుతున్న బీసీ రాజ్యాధికార పాదయాత్రలో చోటుచేసుకున్న రోడ్డు ప్రమాదంపై సమగ్ర దర్యాప్తు చేపట్టాలని ఎమ్మెల్సీ తీన్మార్‌ మల్లన్న డీజీపీ సీవీ ఆనంద్‌ను కోరారు. ఈ మేరకు శుక్రవారం వినతిపత్రం అందజేశారు.
ఈ ప్రమాదంలో తన సిబ్బందితో పాటు మరో వాహనంలో ప్రయాణిస్తున్న వ్యక్తులకు తీవ్ర గాయాలయ్యాయని పేరొన్నారు. ప్రమాదం అనుమానాస్పదంగా ఉన్నదని వినతిపత్రంలో పేరొన్నారు. తనను హత్య చేయడమే లక్ష్యంగా ఉండొచ్చని అనుమానం వ్యక్తం చేశారు. ఈ ఘటనపై పూర్తిస్థాయి దర్యాప్తు జరుపాలని కోరారు.
Comments (0)