డబుల్ బెడ్రూమ్ ఇండ్ల పంపిణీలో దుమారం

- కాంగ్రెస్ నేతలు డబ్బులు తీసుకొని ఇచ్చారని ఆరోపణలు
తొర్రూరు, నవంబర్ 16 : మహబూబాబాద్ జిల్లా తొర్రూరు పట్టణంలోని గోపాలగిరి రోడ్డులో నిర్మించిన 280 డబుల్ బెడ్రూమ్ ఇండ్ల పంపిణీ వ్యవహారం తీవ్ర దుమా రం రేపింది. అర్హులకు కాకుండా కాంగ్రెస్ నా యకులు డబ్బులు తీసుకొని తమకు అనుకూలమైన వారికి రూ.50 వేల వరకు వసూలు చేసి కేటాయించారని బీఆర్ఎస్ నేతలు ఆరోపించారు.
ఈ వ్యవహారంపై విచారణ జరిపించాలని డిమాండ్ చేస్తూ సోమవారం బీఆర్ఎస్ నాయకులు, స్థానిక మహిళలు వరంగల్-ఖమ్మం ప్రధాన రహదారిపై బైఠాయించారు. పోలీసులు ఆందోళనకారులను అరెస్టు చేసి తొర్రూరు పోలీస్ స్టేషన్కు తరలించారు. కేసీఆర్ హయాంలో నిర్మించిన ఇండ్లకు ప్ర భుత్వ విప్ జాటోత్ రాంచంద్రూనాయక్, పా లకుర్తి ఎమ్మెల్యే యశస్వినీరెడ్డి, కలెక్టర్ స్నేహశబరీష్ భారీ బందోబస్తు మధ్య లబ్ధిదారులకు పట్టాలు అందజేశారు.
అక్రమ అరెస్టులు దుర్మార్గం : ఎర్రబెల్లి
తొర్రూరులో బీఆర్ఎస్ నాయకులను అరెస్టు చేయడం దుర్మార్గమని మాజీ మంత్రి ఎర్రబెల్లి దయాకర్రావు మండిపడ్డారు. కేసీఆర్ హయాంలో నిర్మించిన డబుల్ బెడ్రూమ్ ఇండ్లను కమీషన్లు ఇచ్చిన వారికి కేటాయించి అసలైన లబ్ధిదారులకు అన్యాయం చేస్తున్నారని ఆరోపించారు.
Comments (0)