లిడ్ క్యాప్ భూములను కాపాడాలి

- యూనిటీ మాల్కు కేటాయింపులను రద్దు చేయాలి
- ఎమ్మెల్యే కవ్వంపల్లికి మంద కృష్ణ మాదిగ వినతి
శంకరపట్నం, నవంబర్ 16 : హైదరాబాద్లోని గచ్చిబౌలి (రాయదుర్గం)లో యూనిటీ మాల్ నిర్మాణం కోసం కేటాయించిన ఆరున్నర ఎకరాలతోపాటు పెట్రోల్ బంక్, ఈవీ చార్జింగ్ స్టేషన్లకు ఇచ్చిన మరో మూడున్నర ఎకరాల లిడ్ క్యాప్ భూముల కేటాయింపును తక్షణమే రద్దు చేయాలని ఎమ్మార్పీఎస్ జాతీయ అధ్యక్షుడు మంద కృష్ణ మాదిగ డిమాండ్ చేశారు.
సోమవారం ఆయన కరీంనగర్ జిల్లా తిమ్మాపూర్ మండలం ఎల్ఎండీకాలనీలోని ప్రజాభవన్లో మానకొండూర్ ఎమ్మెల్యే కవ్వంపల్లి సత్యనారాయణను కలిసి వినతిపత్రం సమర్పించారు. ఈ సందర్భంగా మంద కృష్ణ మాదిగ మాట్లాడుతూ.. దళిత వ్యాపారులకు తగిన అవకాశాలు కల్పించని యూనిటీ మాల్కు దళితుల అభ్యున్నతి కోసం ఉద్దేశించిన అత్యంత విలువైన లిడ్ క్యాప్ భూములను కేటాయించడం అన్యాయమని పేర్కొన్నారు.
Comments (0)