‘కుటుంబాలకు ఆర్థిక భరోసా కల్పించడమే ఇందిరమ్మ బీమా లక్ష్యం’

20 November 2026 - 18:30
0 0
‘కుటుంబాలకు ఆర్థిక భరోసా కల్పించడమే ఇందిరమ్మ బీమా లక్ష్యం’
'కుటుంబాలకు ఆర్థిక భరోసా కల్పించడమే ఇందిరమ్మ బీమా లక్ష్యం'

చుంచుపల్లి, నవంబర్ 20 : పేద, మధ్య తరగతి కుటుంబాలకు ఆర్థిక భద్రత కల్పించడమే లక్ష్యంగా ప్రభుత్వం చేపట్టిన ఇందిరమ్మ కుటుంబ జీవిత బీమా భరోసా కార్యక్రమాన్ని శుక్రవారం రామాంజనేయ కాలనీ గ్రామ పంచాయతీలో ప్రారంభించారు. ఈ కార్యక్రమాన్ని మండల ప్రత్యేక అధికారి హెచ్. వెంకటేశ్వర్లు, ఎంపీడీవో సుభాషిని, తాసీల్దార్ నాగరాజు, గ్రామ సర్పంచ్ సరిత ఠాగూర్, ఉప సర్పంచ్ నగేష్ ప్రారంభించారు. ఈ సందర్భంగా అధికారులు మాట్లాడుతూ.. ఇందిరమ్మ కుటుంబ జీవిత బీమా భరోసా పథకం ఉద్దేశం, ప్రయోజనాలు, అమలు విధానంపై గ్రామ ప్రజలకు అవగాహన కల్పించారు. కుటుంబ పెద్దకు అనుకోని ప్రమాదం లేదా మరణం సంభవించినప్పుడు కుటుంబానికి ఆర్థిక భరోసా కల్పించడంలో బీమా ప్రాధాన్యతను వివరించారు. అర్హులైన ప్రతి ఒక్కరూ పథకం వివరాలను తెలుసుకుని ప్రభుత్వం అందించే ప్రయోజనాలను సద్వినియోగం చేసుకోవాలని సూచించారు. ఈ కార్యక్రమంలో పంచాయతీ కార్యదర్శి, సంబంధిత శాఖల సిబ్బంది, గ్రామ ప్రజలు పాల్గొన్నారు.

Comments (0)

User