ఇంత చేతకాని సీఎం ఎవరైనా ఉంటారా? : మాజీ ఎమ్మెల్యే గాదరి కిశోర్ కుమార్‌

నల్లగొండ, అక్టోబ‌ర్ 16 : చంద్రబాబు ఏమో వ్యవసాయం దండుగా అన్నాడు. ఆయన శిష్యుడు రేవంత్ ఏకంగా పంటలు సాగు వద్దు అని ప్రకటిస్తున్నాడు. ఇంత చేతకాని సీఎం ఎవరైనా ఉంటారా? అని తుంగ‌తుర్తి మాజీ ఎమ్మెల్యే గాద‌రి కిశోర్ కుమార్ అన్నారు. గురు శిష్యులు ఇద్దరు కలిసి తెలంగాణ రైతాంగంపై కుట్రలు ప‌న్నుతున్న‌ట్లు తెలిపారు. శుక్ర‌వారం శాలిగౌరారం మండల కేంద్రంలో నిర్వ‌హించిన‌ మీడియా సమావేశంలో ఆయ‌న మాట్లాడారు. వైటీపీఎస్‌, కొత్తగూడెం ప్లాంట్, సింగరేణి ప్లాంట్ లకు కూడా బొగ్గు సరఫరా చేయడం లేద‌న్నారు. రేవంత్‌రెడ్డి బొగ్గును అంతా ప్రైవేటుకు అమ్ముకుంటున్న‌ట్లు తెలిపారు. నిన్నటి ప్రెస్‌మీట్‌లో రేవంత్ రెడ్డి కరువును ఎదుర్కొనేందుకు పరిష్కారం చెప్పకుండా చిత్తకార్తె కుక్కలెక్క ఓర్లుతున్నాడ‌న్నారు. ఎంతసేపు కేసీఆర్ ను, కేటీఆర్, జగదీష్ రెడ్డిను తిడుతున్న‌ట్లు చెప్పారు. ఓ క్రిమినల్, ఓటుకు నోటు దొంగ ఈ రేవంత్ రెడ్డి మరొక్కసారి త‌మ జగదీష్ రెడ్డి గురించి వ్యక్తిగతంగా మాట్లాడితే ఖబడ్దార్ అని హెచ్చ‌రించారు. రేవంత్ ఏమ‌న్నా అభితాబ్ బ‌చ్చ‌న్‌లా ఉన్నాడా అని ఎద్దేవా చేశారు.

నీళ్లు, కరెంట్‌, వ్యవసాయంపై అవ‌గాహ‌న లేని రేవంత్‌

నీళ్లు, కరెంట్‌, ట్ వ్యవసాయంపై కనీస అవగాహన లేని దద్దమ్మ ఈ రేవంత్ రెడ్డి అన్నారు. బొగ్గు ఇస్తే యాదాద్రి థర్మల్ ప్లాంట్ లో భేషుగ్గా విద్యుత్ ఉత్పత్తి చేయొచ్చు, మరి బొగ్గు ఎందుకు ఇయ్యడం లేద‌ని ప్ర‌శ్నించారు. మన బొగ్గును ఆంధ్రా, కర్ణాటకకు అమ్ముకుంటున్నట్లు తెలిపారు. రేవంత్ రెడ్డి. భట్టి విక్ర‌మార్క ఇద్దరు తోడు దొంగలే అన్నారు. రూ.800 కోట్ల భారీ స్కామ్ చేస్తున్నార‌న్నారు. బొగ్గు దూరంగా ఉన్న విజయవాడలో, కడపలో థర్మల్ ప్లాంట్ లు కట్టలేదా అన్నారు. అటువంటిది దామరచర్లలో కడితే కడుపు ఎందుకు మoడుతున్నద‌న్నారు. రేవంత్ రెడ్డికి కమీషన్ లు రావాలి. అందుకే ఈ డ్రామాలు అన్నారు.

18 నెలల ముందే ఎల్ నినో వస్తుంది అని శాస్త్రవేత్తలు హెచ్చరించారు. రేవంత్ ఏం ముంద‌స్తు చర్యలు తీసుకున్నాడో చెప్పాల‌న్నారు. ఎంత సేపు తప్పించుకునే మాటలు తప్ప, కాంగ్రెస్ నాయకులు ఊర్లోళ్ల‌లోకి పోతే చెప్పులతో కొడతార‌న్నారు. మళ్లీ సిగ్గు లేకుండా మంత్రి ఉత్తమ్ కుమార్ రెడ్డి ఎక్కడ పంటలు ఎండిపోవడం లేదు అని ప్రకటనలు ఇస్తున్నాడ‌ని, సోయిలేని ఉత్తమ్ కుమార్ రెడ్డి నీ హుజుర్‌న‌గ‌ర్‌లో కూడా పంటలు ఎండుతున్నాయ్ అది చూడు ముందు అన్నారు. ఇంత దరిద్రపు ప్రభుత్వం ఎక్కడ ఉండద‌న్నారు. సక్కదనాల కాళేశ్వరం ప్రాజెక్టును నిర్లక్ష్యం చేస్తున్న‌ట్లు ఆవేద‌న వ్య‌క్తం చేశారు. 700 tmc ల నీటిని సముద్రం పాలు జేసిండు ఈ దద్దమ్మ రేవంత్ రెడ్డి అని దుయ్య‌బ‌ట్టారు. ఓ కాపర్ డ్యామ్ కట్టి మోటార్లు ఆన్ చేస్తే సూర్యాపేట మొత్తానికి నీళ్లు వచ్చేవ‌ని, రైతుల‌ను కాంగ్రెస్ ప్ర‌భుత్వం సర్వ నాశనం చేసింద‌ని ఆయ‌న పేర్కొన్నారు.