Vijay TVK | ఇండియా బ్లాక్ నిరసనల్లో చేరనున్న విజయ్ టీవీకే పార్టీ.. వెల్లడించిన వీసీకే నేత

Vijay TVK : సీఈసీ జ్ఞానేష్ కుమార్ రాజీనామా కోరుతూ కొద్ది రోజులుగా ఇండియా బ్లాక్ పార్టీలు భారీగా ఆందోళన చేస్తున్న సంగతి తెలిసిందే. ఈ ఆందోళనల్లో తమిళనాడు, విజయ్ పార్టీ టీవీకే చేరలేదు. సర్‌కు వ్యతిరేకంగా, అలాగే, సీఈసీ రాజీనామా చేయాలనే డిమాండ్‌తో పార్టీ పలు ప్రకటనలు చేసింది.

కానీ.. ప్రతిపక్షాల ఆందోళనలో మాత్రం పాల్గొనలేదు. అయితే, ఈ అంశంపై తమిళనాడులో విజయ్ కూటమికి చెందిన పార్టీ వీసీకే నేత స్పందించారు. త్వరలోనే టీవీకే కూడా ఇండియా బ్లాక్ ఆందోళనల్లో చేరుతుందని వీసీకే నేత తోల్ తిరుమవలవన్ శుక్రవారం వెల్లడించారు. జాతీయ స్థాయిలో జరిగే ఉద్యమాల్లో టీవీకే పాల్గొంటుందని వివరించారు. జాతీయ స్తాయి నిరసనల్లో టీవీకే పాల్గొనపోయినప్పటికీ.. ఇటీవల తమిళనాడుకు చెందిన ఇండియా బ్లాక్ నిరసనల్లో మాత్రం పాల్గొంది. ‘‘ఇప్పటికే టీవీకే ఇండియ కూటమిలో చేరింది. వారు ఎన్నికల సంఘానికి, కేంద్ర ప్రభుత్వానికి వ్యతిరేకం.

ఇండియా బ్లాక్ తమిళనాడు యూనిట్ చేపట్టిన నిరసనల్లో ఇటీవల పాల్గొన్నారు. త్వరలో జాతీయ స్థాయి నిరసనల్లో కూడా టీవీకే పాల్గొంటుంది’’ అని తోల్ తిరుమవలవన్ అన్నారు. ప్రస్తుతం తమిళనాడులో విజయ్ ఆధ్వర్యంలోని టీవీకే కూటమి అధికారంలో కొనసాగుతోంది. ఈ కూటమిలో కాంగ్రెస్ పార్టీ కీలకంగా ఉంది. అందుకే, కాంగ్రెస్ పార్టీతో సాగుతున్న ఇండియా కూటమిలో టీవీకే చేరింది. త్వరలోనే జాతీయస్థాయిలో ఆందోళనలకు సిద్ధమవుతోంది.