Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?

21 November 2026 - 21:09
0 0
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Man Harasses Sleeping Woman

బెంగళూరు: ప్రభుత్వ ఆసుపత్రిలోని రోగి పక్కన నేలపై నిద్రిస్తున్న మహిళను ఒక వ్యక్తి లైంగికంగా వేధించాడు. ఆమె దుప్పటిలోకి దూరి అసభ్యకరంగా ప్రవర్తించాడు. మేల్కొన్న ఆమె అతడి చెంపపై కొట్టింది. ఆ వార్డులోని మిగతా వారు ఆ వ్యక్తిని పట్టుకునేందుకు ప్రయత్నించగా అతడు పారిపోయాడు. సీసీటీవీలో రికార్టైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Man Harasses Sleeping Woman In Hospital) కర్ణాటకలోకి హవేరి జిల్లాలో ఈ సంఘటన జరిగింది. ప్రభుత్వ జిల్లా ఆసుపత్రిలోని వార్డులో ఒక పేషెంట్‌కు సహాయంగా ఉన్న మహిళ రాత్రి వేళ నేలపై నిద్రించింది.

కాగా, శుక్రవారం తెల్లవారుజామున 2 గంటల సమయంలో ఒక వ్యక్తి ఆ వార్డులోకి వచ్చాడు. నేలపై నిద్రిస్తున్న మహిళ దుప్పటిలోకి అతడు దూరాడు. ఆమె పట్ల అసభ్యకరంగా ప్రవర్తించాడు. ఆ మహిళ వెంటనే మేల్కొని కేకలు వేసింది. అతడి చెంపపై కొట్టింది. ఆ వార్డులోని మరికొందరు కూడా నిద్ర నుంచి మేల్కొన్నారు. ఆ వ్యక్తిని నిలదీశారు. అతడ్ని పట్టుకునేందుకు ఒకరు ప్రయత్నించగా తోసి పారిపోయాడు.

మరోవైపు గత వారం ఆ ఆసుపత్రిలో 10 మొబైల్ ఫోన్లు చోరీ అయ్యాయి. వాటిని దొంగిలించిన వ్యక్తి కూడా అతడే అని అనుమానిస్తున్నారు. దీంతో ప్రభుత్వ ఆసుపత్రిలో భద్రతపై ఆందోళనలు వ్యక్తమయ్యాయి. నిందితుడిని గుర్తించి చర్యలు తీసుకోవాలని ఆసుపత్రిలోని రోగులు, వారి బంధువులు డిమాండ్‌ చేశారు.

అయితే ఈ సంఘటనపై పోలీసులు దర్యాప్తు చేస్తున్నారు. నిందితుడిని గుర్తించేందుకు సీసీటీవీ ఫుటేజ్‌ను పరిశీలిస్తున్నారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

Comments (0)

User