Thousand Pillar Temple | వేయిస్తంభాల రుద్రేశ్వరస్వామికి పుష్పాభిషేకం

హనుమకొండ చౌరస్తా, నవంబర్ 17: చారిత్రక రుద్రేశ్వరస్వామి వేయిస్తంభాల దేవాలయంలో కార్తీక మాసం 8వ రోజు మంగళవారం ప్రీతికరంగా మహాన్వితమైన రోజు ఉదయం నిత్యాన్నికా కార్యక్రమాలు నిర్వర్తించి రుద్రేశ్వర స్వామికి 11 లీటర్ల మధు(తేనే)తో అమృత అభిషేకం నిర్వర్తించారు. సామూహిక రుద్రాభిషేకం అనంతరం మధ్యాహ్నం 12 గంటలకు డాక్టర్ కరుణాకర్, దీప్తి దంపతుల సౌజన్యంతో రుద్రేశ్వరస్వామికి రుద్రనామాలతో పుష్పాభిషేకం నిర్వర్తించి, సిరానైవేద్యం సమర్పించి, ద్వాదశ జ్యోతులతో మహా హారతి, డమరుక వాయిద్యాలతో శంకు నాదాలతో గంటా వాయిద్యాల మధ్య ఘనఘన గంటల మధ్య మహా హారతి నిర్వర్తించారు.
నీరాజనం అనంతరం మహా మంత్రపుష్పం నిర్వర్తించి భక్తులకు దర్శనం కల్పించి తీర్థప్రసాదాలు అందజేశారు. ఆలయ ప్రాంగణంలో ఆంజనేయస్వామి సన్నిధిలో కార్తీక సమారాధన వేలాది మంది భక్తులకు అన్నదానం చేశారు. వైదిక కార్యక్రమాలను ఆలయ ప్రధానార్చకులు గంగు ఉపేంద్రశర్మ, వేద పండితులు మణికంఠశర్మ, దత్త కుమార్శర్మ నిర్వహించారు.
Comments (0)