Show Cause Notices | కలెక్టర్ ఆకస్మిక తనిఖీలు ..ముగ్గురు ఉద్యోగులకు షోకాజ్ నోటీసులు

జోగులాంబ గద్వాల : జోగులాంబ గద్వాల జిల్లా కేంద్రంలోని ప్రభుత్వ జనరల్ ఆసుపత్రిని జిల్లా కలెక్టర్ రిజ్వాన్ బాషా షేక్ ( Collector Rizwan Basha Sheikh) మంగళవారం ఆకస్మికంగా తనిఖీ చేశారు. వైద్య సిబ్బంది హాజరు, రోగులకు అందుతున్న వైద్య సేవలు, మందుల లభ్యత, పారిశుద్ధ్యం, వార్డుల నిర్వహణను పరిశీలించారు. హాజరు నమోదు చేయని ముగ్గురు ఉద్యోగులకు షోకాజ్ నోటీసులు ( Show Cause Notices ) జారీ చేయాలని ఆదేశించారు.
రోగుల నుంచి డబ్బులు వసూలు చేసినా, బయట మందులు కొనాలని సూచించినా, ప్రైవేట్ ఆసుపత్రులకు అనవసరంగా రిఫర్ చేసినా కఠిన చర్యలు తీసుకుంటామని హెచ్చరించారు. ఆసుపత్రి అభివృద్ధి, మరమ్మతుల కోసం రూ.50 లక్షలు మంజూరు చేసినట్లు వెల్లడించారు. ప్రభుత్వ ఆసుపత్రికి వచ్చే ప్రతి పేద రోగికి నాణ్యమైన వైద్యం అందించాలని, విధుల్లో నిర్లక్ష్యాన్ని సహించేది లేదని కలెక్టర్ స్పష్టం చేశారు.
Comments (0)