బీఆర్ఎస్ సర్పంచులపై ఎమ్మెల్యే బీర్ల అయిలయ్య చిందులు

యాదాద్రి భువనగిరి, నవంబర్ 17 : హేయ్ కూర్చో.. మీ పప్పులు ఇక్కడ ఉడకవు.. కూర్చుంటే కూర్చో లేదంటే స్టేజి దిగి వెళ్లు.. దుర్మార్గులు అంటూ బీఆర్ఎస్ సర్పంచులపై ఆలేరు ఎమ్మెల్యే బీర్ల అయిలయ్య చిందులు వేశారు. మంగళవారం గుండాల మండలంలో పింఛన్ల పంపిణీ కార్యక్రమంలో ఈ ఘటన చోటుచేసుకుంది. గత ప్రభుత్వం 10 సంవత్సరాలలో ఎటువంటి అభివృద్ధి చేయలేదని ఎమ్మెల్యే మాట్లాడుతున్న క్రమంలో బీఆర్ఎస్ పార్టీకి చెందిన సుద్దాల సర్పంచ్ గడ్డమీద మహోదయ గౌడ్ అయిలయ్య ప్రసంగానికి అభ్యంతరం తెలిపారు. దాంతో అయిలయ్య ఆగ్రహావేశానికి గురయ్యారు. ఏయ్ కూర్చో.. మీ పప్పులు ఇక్కడ ఉడకవ్.. ఇది కాంగ్రెస్ ప్రభుత్వం అంటూ తన అహంభావాన్ని చూపించారు.. బీఆర్ఎస్ సర్పంచులు దుర్మార్గులు అంటూ ఘాటు వ్యాఖ్యలు చేశారు. కూర్చుంటే కూర్చోవాలని లేదంటే స్టేజి దిగి వెళ్లి పోవాలని అవమానకరంగా మాట్లాడారు.
Comments (0)