Spider Man | ఇండియన్ బాక్సాఫీస్‌ను షేక్ చేస్తున్న ‘స్పైడర్ మ్యాన్ ..టాక్ వీక్ అయినా టికెట్ బుకింగ్స్‌లో సెన్సేషన్!

అయితే ప్రీమియర్ షోల అనంతరం సినిమాపై వచ్చిన స్పందన మాత్రం పూర్తిగా అంచనాలకు తగ్గట్టుగా లేదనే అభిప్రాయాలు వ్యక్తమయ్యాయి. సోషల్ మీడియాలో పలువురు ప్రేక్షకులు కథ, స్క్రీన్‌ప్లే, భావోద్వేగాల విషయంలో సినిమా ఆశించిన స్థాయిలో లేదని కామెంట్లు చేయడంతో దీనికి ‘మిక్స్‌డ్’ లేదా ‘వీక్ టాక్’ వచ్చినట్లు ట్రేడ్ విశ్లేషకులు పేర్కొన్నారు. అయినప్పటికీ ఆ నెగటివ్ టాక్ ప్రభావం టికెట్ బుకింగ్స్‌పై మాత్రం పెద్దగా కనిపించలేదు. ముఖ్యంగా అడ్వాన్స్ బుకింగ్స్‌లో ఈ సినిమా ఇప్పటికీ దూసుకుపోతోంది. గత రాత్రి ఒక్క గంట వ్యవధిలోనే దాదాపు 67 వేలకుపైగా టికెట్లు బుక్ అయినట్లు ట్రేడ్ వర్గాల సమాచారం. ఒక హాలీవుడ్ సినిమాకు ఈ స్థాయిలో గంటల వారీ బుకింగ్ నమోదు కావడం అరుదైన విషయంగా సినీ విశ్లేషకులు అభిప్రాయపడుతున్నారు.

ఇక ఆసక్తికరమైన విషయం ఏమిటంటే, ఇటీవలి కాలంలో పలువురు భారతీయ స్టార్ హీరోల సినిమాలకు కూడా మిక్స్‌డ్ టాక్ వచ్చిన తర్వాత ఈ స్థాయి బుకింగ్ ట్రెండ్ కనిపించలేదు. కానీ ‘స్పైడర్ మ్యాన్: బ్రాండ్ న్యూ డే’ మాత్రం ప్రేక్షకుల ఆసక్తిని కొనసాగిస్తూ బాక్సాఫీస్ వద్ద తన సత్తా చాటుతోంది. మార్వెల్ ఫ్రాంచైజ్‌పై ఉన్న విశ్వాసం, టామ్ హోలాండ్‌కు ఉన్న ఫ్యాన్ ఫాలోయింగ్, స్పైడర్ మ్యాన్ పాత్రకు ప్రపంచవ్యాప్తంగా ఉన్న ఆదరణ ఈ కలెక్షన్లకు ప్రధాన కారణాలుగా విశ్లేషిస్తున్నారు. వీకెండ్ ముగిసే సమయానికి ఈ సినిమా మరిన్ని రికార్డులు సృష్టిస్తుందా? లేక కొద్ది రోజుల త‌ర్వాత కలెక్షన్లు తగ్గుముఖం పడతాయా? అనేది ఇప్పుడు ట్రేడ్ వర్గాల్లో ఆసక్తికరంగా మారింది.