Rahul Gandhi | మాకూ స‌మ‌యం వ‌స్తుంది, మిమ్మ‌ల్ని విడిచిపెట్టం.. ఎన్నిక‌ల సంఘానికి రాహుల్‌గాంధీ హెచ్చ‌రిక‌లు..!

Rahul Gandhi : ఓటర్ల జాబితా (Voters list) ప్రత్యేక సమగ్ర సవరణ (SIR) పై వివాదం కొనసాగుతున్న వేళ కాంగ్రెస్‌ అగ్రనేత (Congress Top Leader), లోక్‌సభ (Lok Saha) లో ప్రతిపక్ష నేత రాహుల్‌ గాంధీ (Rahul Gandhi) ఎన్నికల సంఘం (Election Commission) పై తీవ్ర ఆరోపణలు చేశారు. ఎన్నికల సంఘం అధికారులు చేస్తున్నది తప్పని వ్యాఖ్యానిస్తూ.. ‘సమయం వస్తుంది.. మిమ్మల్ని వదిలిపెట్టం’ అని హెచ్చరించారు.

ఓటు చోరీ భారత ప్రజలపట్ల నేరమని, రాజ్యాంగంపై నేరుగా దాడి చేయడమేనని ఎక్స్‌లో ఆయ‌న పోస్టు చేశారు. ఓ వీడియోను కూడా రాహుల్‌గాంధీ పంచుకున్నారు. ఎన్నికల సంఘానికి, ఎన్నికల అధికారులకు స్పష్టంగా చెబుతున్నాన‌ని, వారు చేస్తున్నది తప్పని అన్నారు. ఇది దేశద్రోహమ‌ని విమ‌ర్శించారు. త‌మ‌కు సమయం వస్తుందని, మిమ్మల్ని పట్టుకుంటామ‌ని, త‌మ నుంచి తప్పించుకోలేరని పేర్కొన్నారు. ఈ వ్యాఖ్యలకు కారణమైన వివాదం ఓ పత్రిక ప్రచురించిన పరిశోధనాత్మక కథనంతో మొదలైంది. పది నెలల వ్యవధిలో ఎన్నికల కమిషనర్‌లు సుఖ్‌బీర్‌ సింగ్‌ సంధు, వివేక్‌ జోషి పలు నిర్ణయాలపై కనీసం 14 సార్లు అభ్యంతరాలు వ్యక్తంచేసినట్లు ఆ కథనం పేర్కొన్న‌ది.

కొత్త ఓటర్ల చేర్పు, ఓటర్ల పేర్ల తొలగింపు, ఓటర్ల డేటాబేస్‌ నిర్వహణ వంటి అంశాలు అందులో ఉన్నట్లు ఈసీ తెలిపింది. అయితే ఈ కథనాన్ని ఎన్నికల సంఘం తిరస్కరించింది. ఇద్దరు కమిషనర్‌లు కొన్ని అంశాలపై అభిప్రాయాలు, సూచనలు మాత్రమే చేశారని, అధికారికంగా ఎలాంటి భిన్నాభిప్రాయం నమోదు కాలేదని ఈసీ వర్గాలు తెలిపాయి. ‘సర్‌’ సహా అన్ని నిర్ణయాలు ముగ్గురు కమిషనర్ల ఆమోదంతో ఏకగ్రీవంగానే తీసుకున్నట్లు స్పష్టంచేశాయి.