Sardar 2 | యూట్యూబ్‌లో దూసుకుపోతున్న కార్తీ ‘సర్దార్ 2’ టీజర్.. రికార్డు వ్యూస్‌తో సంచలనం!

మొదటి భాగంలో మాస్ ప్రేక్షకులను విపరీతంగా అలరించిన కార్తీ, ఈ సీక్వెల్‌లో కూడా తండ్రీకొడుకులుగా ద్విపాత్రాభినయం (డ్యూయెల్ రోల్) చేస్తున్నారు. తండ్రి పాత్ర రగ్డ్ అండ్ ఇంటెన్స్ లుక్‌లో కనిపించనుండగా, కొడుకు పాత్ర స్టైలిష్ అండ్ కూల్ గైగా చాలా పవర్‌ఫుల్‌గా ఉండబోతోంది. ఈ చిత్రంలో టాలెంటెడ్ యాక్టర్ ఎస్‌జే సూర్య అత్యంత శక్తివంతమైన, స్టైలిష్ విలన్‌ పాత్రలో నటిస్తున్నారు. టీజర్‌లో ఆయన చెప్పే డైలాగులు, కార్తీతో నడిచే హోరాహోరీ సన్నివేశాలు సినిమాపై అంచనాలను తారాస్థాయికి చేర్చాయి. పి.ఎస్. మిత్రన్ ఈ సినిమాను అత్యంత ప్రతిష్టాత్మకంగా తెరకెక్కిస్తున్నారు. ఇక సెన్సేషనల్ మ్యూజిక్ డైరెక్టర్ సామ్ సి.ఎస్ అందించిన బ్యాక్‌గ్రౌండ్ మ్యూజిక్ (BGM) టీజర్‌ను నెక్స్ట్ లెవెల్‌కు తీసుకెళ్లింది. ఈ చిత్రంలో కార్తీ సరసన టాలెంటెడ్ హీరోయిన్లు మాళవిక మోహనన్, ఆషికా రంగనాథ్ నటిస్తుండగా, భారీ తారాగణం ఈ సినిమాలో భాగం కానుంది. ప్రిన్స్ పిక్చర్స్ పతాకంపై ఎస్. ల‌క్ష్మ‌ణ్ కుమార్ ఈ చిత్రాన్ని నిర్మిస్తుండగా, భారీ బడ్జెట్‌తో పాన్-ఇండియా స్థాయిలో ప్రపంచవ్యాప్తంగా గ్రాండ్ రిలీజ్ చేయడానికి సన్నాహాలు చేస్తున్నారు.