Samantha | 12 ఏళ్ల క్రితమే సమంతకు కొడుకు పుడతాడని జోస్యం.. ఇప్పుడు నిజం కావడంతో వైరల్!

Samantha | టాలీవుడ్ నటి సమంత ప్రస్తుతం మాతృత్వాన్ని ఆస్వాదిస్తోంది. సమంత – రాజ్ నిడిమోరు 2025లో వివాహ బంధంతో ఒక్కటైన సంగతి తెలిసిందే. ఈ జంట నవంబర్ 19న పండంటి మగబిడ్డకు జన్మనివ్వడంతో తల్లిదండ్రులయ్యారు. తమ కుమారుడికి ‘దేవ్’ అని పేరు పెట్టినట్లు సమంత ప్రకటించింది. అయితే ఇప్పుడు సమంతకు సంబంధించిన ఓ పాత జోస్యం సోషల్ మీడియాలో వైరల్గా మారింది. దాదాపు 12 ఏళ్ల క్రితం సమంతకు ఓ పండితుడు చెప్పిన జోస్యం ఇప్పుడు చర్చనీయాంశంగా మారింది. 2014లో యాంకర్ ప్రదీప్ హోస్ట్ చేసిన ‘కొంచెం టచ్లో ఉంటే చెప్తాను’ కార్యక్రమానికి సమంత అతిథిగా హాజరైంది. ఆ షోలో పాల్గొన్న ఓ పండితుడు సమంత భవిష్యత్తు గురించి ఆసక్తికరమైన విషయాలు చెప్పాడు.
సమంతకు ఇద్దరు సంతానం కలుగుతారని, మొదటి సంతానంగా మగబిడ్డ జన్మిస్తాడని ఆయన అప్పట్లో జోస్యం చెప్పారు. ఇప్పుడు సమంతకు నిజంగానే బాబు జన్మించడంతో ఆ పాత వీడియో మరోసారి తెరపైకి వచ్చింది. పన్నెండేళ్ల క్రితం చెప్పిన మాటలు ఇప్పుడు నిజమయ్యాయని నెటిజన్లు చర్చించుకుంటున్నారు.అంతేకాదు, సమంతకు ఇద్దరు పిల్లలు కలుగుతారని, మొదట అబ్బాయి పుడతాడని పండితుడు చెప్పడంతో రెండో సంతానం అమ్మాయి అవుతుందా? అంటూ కొందరు నెటిజన్లు ఆసక్తికరంగా స్పందిస్తున్నారు. దీంతో సమంతకు సంబంధించిన ఈ పాత జోస్యం ప్రస్తుతం సోషల్ మీడియాలో వైరల్గా మారింది.
ఇక సమంత గతంలో నాగ చైతన్యని ప్రేమించి పెళ్లి చేసుకొని అతని నుండి విడాకులు తీసుకున్న విషయం తెలిసిందే. చైతూ నుండి విడిపోయిన తర్వాత సమంత రాజ్ నిడిమోరుని వివాహం చేసుకుంది. ప్రస్తుతం సమంత సినిమాలతో పాటు బిజినెస్పై కూడా ప్రత్యేక శ్రద్ధ కనబరుస్తుంది.
Comments (0)