RSS Chief Mohan Bhagwat: ఒక‌ప్పుడు క్రాక‌ర్స్‌తో గాలి శుభ్ర‌మ‌య్యేది: ఆర్ఎస్ఎస్ చీఫ్‌

నాగ‌పూర్‌: గ‌తంలో బాణాసంచా త‌యారీ కోసం కెమిక‌ల్స్ వాడేవారు కాదు అని, ఆ ప‌టాకులు పేలిన‌ప్పుడు వాటి పొగ వ‌ల్ల కీట‌కాలు చనిపోయేవ‌ని, వాతావ‌ర‌ణం కూడా శుభ్రం అయ్యేద‌ని రాష్ట్రీయ స్వ‌యంసేవ‌క్ సంఘ్ చీఫ్ మోహ‌న్ భ‌గ‌వ‌త్(RSS Chief Mohan Bhagwat) తెలిపారు. అయితే ఆ బాణాసంచా కాల్చ‌డం వెనుక శాస్త్రీయ విధానం ఉండేద‌న్నారు. పండుగలు ఎప్పుడూ స‌మాజాన్ని ప్రాణాల‌తో నిలిపేవ‌న్నారు. ఒక‌వేళ ఎవ‌రైనా అడ్డుకోవాల‌న్న అది ఆగ‌ద‌ని అయ‌న తెలిపారు. నెయ్యితో కానీ, నూనె చేసిన దీపాల‌ను వెలిగిస్తే, గాలిలో ప్ర‌త్యేకమైన వాతావ‌ర‌ణం ఉండేద‌ని, అయితే శాస్త్రీయ ధోర‌ణిలో ఆలోచించి అలాంటి విధానాల‌ను పాటించాల‌న్నారు. ఆ ప్ర‌క్రియ‌ల వ‌ల్ల గాలి శుభ్రంగా ఉంటుంద‌ని, ఆ గాలి వ‌ల్ల జీవితాల్లో సంతోషం కూడా ఉంటుంద‌ని ఆయ‌న అన్నారు.

నాగ‌పూర్‌లో మ‌హేశ్వ‌రి పంచాయ‌తీలో జ‌రిగిన దీపావ‌ళి కార్య‌క్ర‌మంలో మోహ‌న్ భ‌గ‌వ‌త్ పాల్గొని మాట్లాడారు. భార‌తీయ స‌మాజంలో పండుగ‌ల భాగ‌స్వామ్య‌మే అని, అచిర‌కాల నుంచి పండుగ‌లు జ‌రుపుకుంటున్నార‌ని, ఆ విధానం కొన‌సాగుతుంద‌న్నారు. ఫెస్టివ‌ల్స్‌ను గ‌త కాలం నాటి త‌ర‌హాలోనే జ‌రుపుకోవాల‌న్నారు. ప్రాచీన విధానాల వ‌ల్ల ల‌బ్ధి జ‌రుగుతోంద‌న్నారు. మ‌నం ఆ జాగ్ర‌త్త‌లు తీసుకుంటే, అప్పుడు జీవితం గురించి ఆందోళ‌న అవ‌స‌రం ఉండ‌ద‌న్నారు. ప్ర‌పంచ‌వ్యాప్తంగా దీపావ‌ళికి ప్ర‌త్యేక గుర్తింపు వ‌స్తోంద‌ని, గ‌తంలో కేవ‌లం ఇండియాలోనే సెల‌బ్రేట్ చేసుకునేవార‌ని, కానీ ఇప్పుడు అమెరికా, బ్రిట‌న్ పార్ల‌మెంట్ల‌లోనూ వేడుక‌ల‌ను జ‌రుపుకుంటున్నార‌ని మోహ‌న్ భ‌గ‌వ‌త్ తెలిపారు.